ვიცე-პრემიერის, ეკონომიკისა და მდგრადი განვითარების მინისტრის გიორგი კვირიკაშვილის განცხადებით, საქართველოში მაისში დაფიქსირებული საერთაშორისო ვიზიტორების გაზრდილი რაოდენობა სერიოზული მუშაობის შედეგია.

მისი თქმით, სპეციალური კამპანია 9 მიზნობრივ ბაზარზე ჩატარდა. გარდა ამისა, საქართველოში მოწვეულ იქნა 200 საერთაშორისო ჟურნალისტი და 70-ზე მეტი ტურისტული კომპანიის წარმომადგენელი როგორც საქართველოს მეზობელი სახელმწიფოებიდან, ისე სხვა ქვეყნებიდან. როგორც კვირიკაშვილმა განაცხადა, ეს განხორციელდა იმისათვის, რომ მომხდარიყო ნეგატიური ტენდენციის გარდატეხა.

„მე ძალიან მიხარია, რომ ჩვენ ეს შევძელით იმის მიუხედავად, რომ ჩვენს გარშემო ვითარება მნიშვნელოვნად არ გაუმჯობესებულა. ჩვენი პროაქტიული მუშაობის შედეგად, შესაძლებელი გახდა ვიზიტორების რაოდენობის 15-პროცენტიანი ზრდა, ასევე 5 პროცენტით მოიმატა იმ ვიზიტორების რიცხვმა, რომლებიც საქართველოში 24 საათზე მეტი დროით დარჩნენ, რაც ასევე კარგი მაჩვენებელია და ეს ნიშნავს უფრო მეტ დახარჯულ ფულს საქართველოში, - განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს