„ადამიანი განსხვავებული აზრის გამო, შეიძლება ვიღაცას ეს აზრი არ მოსწონდეს მაგრამ, როგორ შეიძლება გარიცხო?!“, - ასე გამოეხმაურა „ქართული ოცნების“ წევრი გედევან ფოფხაძე დეპუტატ დავით ჭიჭინაძის პარტიიდან გარიცხვის გადაწყვეტილებას.

ფოფხაძე პარტიის სამდივნოს ქმედებას არაკოლეგიალურს უწოდებს.

„მაინტერესებს ეს რას ნიშნავს, გუნდს აუხსნან ელემენტარულად. ადამიანი განსხვავებული აზრის გამო, შეიძლება ვიღაცას ეს აზრი არ მოსწონდეს, მაგრამ როგორ შეიძლება გარიცხო? რა ეწერა დასაბუთებაში? დისციპლინა დაარღვია რა მორალი დაარღვია. ჩვენი ინტერესი პოლიტიკაში ყოფნის არასოდეს არ ყოფილა პარტიების სამსახური ქვეყნის და ხალხის სამსახური იყო ყოველთვის ჩვენი მიზანი. არასწორია, არაკოლეგიალურია, არაკაცურია, არაფერში არ წერია ეს ყველაფერი", - განაცხადა გედევან ფოფხაძემ

ცნობისთვის, მპგ „ქართული ოცნება - დემოკრატიული საქართველოს“ სამდივნომ პარტიიდან დავით ჭიჭინაძის გარიცხვის გადაწყვეტილება მიიღო.

როგორც განცხადებაშია აღნიშნული, „გასული რამდენიმე თვის განმავლობაში მპგ „ქართული ოცნება - დემოკრატიული საქართველოს“ და საპარლამენტო უმრავლესობის წევრმა, დავით ჭიჭინაძემ გააკეთა არაერთი საჯარო განცხადება, რომლითაც მან შეურაცხყოფა მიაყენა პოლიტიკური გუნდის წევრებს და ზიანი მიაყენა პარტიის იმიჯსა და ინტერესებს“.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა