„ქალბატონ თეას საკუთარი და მის მიერ დანიშნული პროკურორების ცოდვების ზიდვაში ეხმარება მეტად მოქნილი შუბლის ძარღვი, რომელიც ძალიან ელასტიურია და მძიმე დაწოლის შედეგად წყდება“, - ასე ეხმაურება „ნაციონალური მოძრაობის“ წევრი რომან გოცირიძე მთავარი პროკურორის პოსტზე შალვა თადუმაძის წარდგენას.

როგორც დეპუტატი Facebook-ის საკუთარ გვერდზე წერს, 2012 წლის შემდეგ ქვეყანაში მეექვსე მთავარ პროკურორს ირჩევენ, მის დანიშვნაში მთავარი მოქმედი პირი კი, უცვლელი რჩება.

„დღეს მეექვსე მთავარ პროკურორს ამტკიცებს პარლამენტი განვლილი ხუთწელიწადნახევრის განმავლობაში. იშვიათი არასტაბილურობაა. ვერ უძლებს ერთი ადამიანის მხრები ამდენი ცოდვებისა და უკანონობის ტვირთს. სწრაფი როტაციაა საჭირო. ერთი პროკურორის ”სიცოცხლის ხანგრძლივობა” საშუალოდ გამოდის წელიწადი და ერთი თვე. უცვლელი რჩება ის, ვინც პროკურორის დანიშვნაში მთავარი მოქმედი პირია-პატარა თეა.

ჭიანჭველაც პატარაა, მაგრამ თავის მასაზე გაცილებით დიდი ტვირთის ტარება შეუძლია-უყვარს ხოლმე თქმა.

როგორც ინჟინერ-მექანიკოსებმა გამოთვალეს, ჭიანჭველას ამის შესაძლებლობას აძლევს დიდი და სპეციფიკური აღნაგობის კისერი. კომპიუტერული ტომოგრაფიის მეშვეობით მათვე დაადგინეს, რომ ქალბატონ თეას საკუთარი და მის მიერ დანიშნული პროკურორების ცოდვების ზიდვაში ეხმარება მეტად მოქნილი შუბლის ძარღვი, რომელიც ძალიან ელასტიურია და მძიმე დაწოლის შედეგად წყდება. ბოროტი ენები იმასაც ამბობენ, რომ ამაში აგრეთვე ხელს უწყობს 666 ნიშნის მქონე პირადობის მოწმობა, რომელიც ერთადერთი ყოფილა ქვეყანაში და რომლის მეშვეობით იგი კავშირს ამყარებს საჭირო ადამიანებთან და ძალებთან.

დღეს იგი დასამტკიცებლად თავის ნათლიმამას წარმოგვიდგენს, ანუ ნათლულის მამას. ორმაგად მძიმე ტვირთს იკიდებს თავის სათუთ მხრებზე. ვნახოთ, სანამდე გაუძლებს“,- წერს გოცირიძე.

ავტორი: ,

სოციალური ქსელები

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება