შინაგან საქმეთა მინისტრის მოადგილის ნინო ჯავახაძის განცხადებით, ევროპელი  პარტნიორების  მთავარი პრობლემა საქართველოდან თავშესაფრის მაძიებელთა რიცხვის ზრდაა.

„მარტის დასაწყისში გერმანიის დელეგაცია იმყოფებოდა საქართველოში. გვქონდა შევხედრები, სადაც ცალსახად აღინიშნა, რომ კრიმინალური საქმიანობა ქართველების მიერ ჩადენილი, რა თქმა უნდა, არის გერმანიაში, მაგრამ არ არის ახალი პრობლემა, არის წლების განმავლობაში, და ისინი ამას კონკრეტულად ვიზალიბერალიზაციას არ უკავშირებენ. მთავარი  წუხილი ჩვენი ევროპელი პარტნიორების დღეს არის თავშესაფრის მაძიებლების რაოდენობის ზრდა, რომელზეც ისინი მოგვიწოდებენ, რომ ქმედითი ნაბიჯები გადავდგათ და ჩვენც აღვუთქვით მზაობა, რომ ყველანაირად შევასრულოთ ის მოთხოვნები, რომლებიც მათ აქვთ“, - განაცხადა ნინო ჯავახაძემ საგარეო ურთიერთობათა და ევროპასთან ინტეგრაციის კომიტეტების გაერთიანებულ სხდომაზე.

ნინო ჯავახაძის თქმით, შსს აპირებს,  სისხლის სამართლის კოდექსში დააინიციროს ცვლილებები, რომელიც მოახდენს უკანონო მიგრაციის ხელშეწყობის კრიმინალიზაციას.

„დღეს სისხლის სამართლის კოდექსში არის პირიქით,  საქართველოში შემოყვანა უკანონო გზით  კრიმინალიზებული. იყო გარკვეული წუხილები, რომ რაღაც დანაშაულებრივი ჯგუფები ცდილობენ ადამიანების მოტყუებით გაყვანას ევროკავშირში, იქ პირდებიან თავშესაფარს, დასაქმებას და ა.შ.“,-აღნიშნა ნინო ჯავახაძემ.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა