ორმხრივი თანამშრომლობის საკითხები განიხილებოდა საქართველოს ფინანსთა მინისტრს, ნოდარ ხადურსა და იაპონიის ფინანსთა სახელმწიფო მინისტრს იშუ სუგავარასთან გამართულ შეხვედრაზე.

ფინანსთა მინისტრმა სტუმარს მადლობა გადაუხადა  იმ საგრანტო დახმარებისთვის, რომელსაც იაპონიის მთავრობა ყოველწლიურად უწევს საქართველოს მთავრობას იაპონიის არასაპროექტო საგრანტო პროგრამის ფარგლებში.

ფინანსთა სამინისტროს ცნობით, საუბარი შეეხო იაპონიის საერთაშორისო თანამშრომლობის სააგენტოს (JICA) მიერ საქართველოში დაფინანსებული პროექტების მიმდინარეობას და სამომავლო თანამშრომლობის საკითხებს.

„გვინდა მივულოცოთ ქვეყნის მთავრობას და მოსახლეობას ევროპის რეკონსტრუქციისა და განვითარების ბანკის ყოველწლიური შეხვედრისა და ბიზნესფორუმის საქართველოში გამართვა“, - განაცხადა იაპონიის ფინანსთა სახელმწიფო მინისტრმა, რომელიც თბილისს  სწორედ აღნიშნული ღონისძიების ფარგლებში ეწვია.

იშუ სუგავარას თქმით, სამომავლოდ განიხილება აღმოსავლეთ-დასავლეთის ჩქაროსნული ავტომაგისტრალის  მშენებლობისთვის იაპონიის მხრიდან დამატებითი ფინანსური მხარდაჭერის აღმოჩენის  საკითხი.  ასევე იგეგმება, კახეთსა და იაპონიის ერთ-ერთ ღვინის მწარმოებელ რეგიონს შორის  მეგობრული ურთიერთობების ჩამოყალიბების ხელშეწყობა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს