კატალონიაში დღეს ვადამდელი საპარლამენტო არჩევნები მიმდინარეობს. წინასაარჩევნო კამპანიის ბოლო დღეს არჩევნებში მონაწილე პარტიებმა სააგიტაციო მიტინგები გამართეს. სოციოლოგიური გამოკითხვებით, რეგიონის დამოუკიდებლობისა და ესპანეთის შემადგენლობაში დარჩენის მსურველთა რიცხვი თითქმის თანაბარია. ექსპერტების პროგნოზით, ეს პროცესი შეიძლება ისე გაჭიანურდეს, რომ მომავალ წელს რიგგარეშე არჩევნებამდეც მივიდეს.

არჩევნებში შვიდი პოლიტიკური პარტია მონაწილეობს. მათ შორის კატალონიის ყოფილი ლიდერის და ამჟამად ბელგიაში მყოფი კარლეს პუიჩდემონის პარტია. ასევე ყოფილი ვიცე-პრეზიდენტის ორიოლხუნკერასის პოლიტიკური ძალა. ფავორიტად პარტია „ მოქალაქეების“ ლიდერი ინეს არიმადისი ითვლება. მეორე ადგილზეა კატალონიის გენერალიტეტის ყოფილი ლიდერი კარლეს პუჩდემონი. გაძლიერებულია უსაფრთხოების ზომები, რეგიონში 13 ათასი პოლიცილია მობილიზებული.

უსაფრთხოებას დაიცავენ რეგიონული პოლიციის ძალები და ესპანეთის ეროვნული პოლიცია. ესპანეთის ხელისუფლება საპარლამენტო არჩევნებში გამარჯვებულ ნებისმიერ პოლიტიკურ ძალასთან დიალოგს გამართავს. “მომხრე ვარ დიალოგის, მაგრამ არა კატალონიის დამოუკიდებლობის შესახებ. კატალონია არის ესპანეთი და კატალონია არის ევროპა“, – ამის შესახებ ესპანეთის პრემიერმა, მარიანო რახოიმ განაცხადა. შეგახსენებთ, რომ კატალონიის პარლამენტმა ესპანეთისგან რეგიონის დამოუკიდებლობის გამოცხადების შესახებ რეზოლუციას მხარი 27 ოქტომბერს დაუჭირა.

2 ნოემბერს ესპანეთის სასამართლომ კატალონიის მთავრობის 8 ყოფილ მაღალჩინოსანს პატიმრობა შეუფარდა. მათ ბრალად ამბოხსა და საბიუჯეტო სახსრების გაფლანგვაში ედებათ. 8 ნოემბერს ესპანეთის საკონსტიტიუციო სასამართლომ კატალონიის პარლამენტის მიერ 27 ოქტომბერს მიღებული დამოუკიდებლობის რეზოლუცია უკანონოდ ცნო. დამოუკიდებლობის გამოცხადებიდან ერთ საათში, ესპანეთის სენატმა კონსტიტუციის 155-ე აამოქმედა. რაც ბარსელონის ხელისუფლების მადრიდზე დაქვემდებარებას და რეგიონის ავტონომიის გაუქმებას გულისხმობს.

ავტორი: ,

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა