თავდაცვისა და უშიშროების კომიტეტის თავმჯდომარის ირაკლი სესიაშვილის განცხადებით, საქართველოში ტერორიზმის საფრთხის თავიდან ასაცილებლად შესაბამისი პრევენციული ღონისძიებები ყოველთვის ხორციელდებოდა, მომავალში კი კიდევ უფრო გაძლიერდება.

როგორც სესიაშვილმა „ქრონიკის“ ეთერში განაცხადა, საქართველო მაღალი რისკის მატარებელ ქვეყანას არ მიეკუთვნება, თუმცა ჩატარებული ანტიტერორისტული ოპერაციის შემდეგ, ქვეყანას უსაფრთხოების მეტი  ზომების დამკვიდრება მოუწევს:

„ყველას გვესმის, რომ ამ უხილავ მტერს-ტერორიზმს  საზღვრები არ აქვს.  ამიტომ ჩვენ ყოველთვის მზად უნდა ვიყოთ, ყოველთვის უნდა ვატარებდეთ შესაბამის პრევენციულ ღონისძიებებს. მუდმივად ხორციელდება მოწყვლად ჯგუფებთან მუშაობა, პრევენციული ღონისძიებების გატარება. არ ვართ მაღალი რისკის მატარებელი ქვეყანა და სხვადასხვა ანგარიშებში ეს აღნიშნულია კიდეც, თუმცა ბოლო ფაქტის შემდეგ, ჩვენ მოგვიწევს ცოტა უფრო მეტი უსაფრთხოების ზომების დამკვიდრება“,-განაცხადა ირაკლი სესიაშვილმა.

სახელმწიფო უსაფრთხოების სამსახურის ინფორმაციით, გარდაცვლილი პირებიდან ერთ-ერთი ახმედ ჩატაევია.

როგორც სუს-ის პრესსამსახურის უფროსმა ნინო გიორგობიანმა საგანგებო ბრიფინგზე განაცხადა, ორი პირის ლიკვიდირება განხორციელდა, ხოლო ჩატაევმა   თავი აიფეთქა.  ლიკვიდირებულების ვინაობა და სხვა დანაშაულებრივ პირებთან შესაძლო კავშირი, დგინდება.

ავტორი: ,

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა