„აუდიტორია 115“: მოვუწოდებთ პოლიტიკოსებს, არ მოახდინონ ლგბტ თემის ინსტუმენტალიზება პოლიტიკური ქულების ჩასაწერად

2017-05-17 13:04:23, 1695 ნახვა

საზოგადოება

აუდიტორია 115 ჰომოფობიასთან და ტრანსფობიასთან ბრძოლის საერთაშორისო დღეს ეხმაურება.

ისინი ლგბტ თემის წარმომადგენლებს სოლიდარობას უცხადებენ და მოუწოდებს პოლიტიკოსებს, არ მოახდინონ ამ თემის ინსტუმენტალიზება პოლიტიკური ქულების ჩასაწერად.

„დღეს ჰომოფობიასთან და ტრანსფობიასთან ბრძოლის საერთაშორისო დღეა.

სიცოცხლის უფლება, შრომის უფლება, ჯანმრთელობის უფლება, განათლების უფლება, სიტყვის და გამოხატვის თავისუფლება, ეს არის ის, რის უზრუნველყოფასაც მოითხოვს ლგბტ თემი.

აუდიტორია 115 სოლიდარობას უცხადებს ამ ადამიანებს და მოუწოდებს პოლიტიკოსებს, არ მოახდინონ ამ თემის ინსტრუმენტალიზება პოლიტიკური ქულების ჩასაწერად.

არ გვავიწყდება ის, რომ ამ ჯგუფის წარმომადგენლები იბრძოდნენ და იბრძვიან სოციალური სამართლიანობისთვის, სოციალური სახელმწიფოს მშენებლობისთვის !

აუცილებლად, ძალიან მალე ვიცხოვრებთ ისეთ სახელმწიფოში, სადაც ადამიანებს პოლიციის კორდონები აღარ გაჰყოფს. ჩვენ, ჩაგრულ ადამიანებს, არ გვაქვს ფუფუნება დაყოფის და დანაწევრების, ერთმანეთთან დაპირისპირების.

ჩვენ გაგვაერთიანებს ბრძოლა უსამართლობის წინააღმდეგ !“,-ნათქვამია აუდიტორია 115-ის განცხადებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან