საქართველოს პარლამენტის თავმჯდომარის ირაკლი კობახიძის განცხადებით, წარმოდგენილი კონსტიტუციის პროექტით პრეზიდენტის სტატუსი არ იცვლება.

როგორც კობახიძემ აღნიშნა, სტატუსი რჩება ზუსტად ისეთივე როგორიც მოქმედი კონსტიტუციით არის განსაზღვრული.

„ საუბარი იყო  იმაზე, თითქოს კომისიის მიზანი იყო პრეზიდენტის სტატუსის და უფლებამოსილების შეზღუდვა. სტატუსი რჩება ზუსტად ისეთ როგორიც არის მოქმედი კონსტიტუციით განსაზღვრული. ეს არის მაღალი სტატუსი, რომელიც გულისხმობს იმას, რომ საქართველოს პრეზიდენტი არის სახელმწიფო მეთაური, უმაღლესი მთავარსარდალი, წარმოადგენს ქვეყანას საგარეო ურთიერთობებში. სტატუსი არ იცვლება და უფლებამოსილების კუთხით გვაქვს ცვლილება მხოლოდ იქ, სადაც ამას მოითხოვს იურიდიული ლოგიკა“, - განაცხადა ირაკლი კობახიძემ.

მან ასევე აღნიშნა, რომ პრეზიდენტის სტატუსთან დაკავშირებით დისკუსიები ვენეციის კომისიის ექსპერტებთანაც გაიმართა.

„გვქონდა დისკუსია ვენეციის კომისიის ექსპერტებთან და მათ სრულად დაუჭირეს მხარი ცვლილებებს, რომელიც ხორციელდება საქართველოს კონსტიტუციის ნაწილში“,-დასძინა  კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში