"რუსთავი 2"-ის გენერალური დირექტორის ადვოკატი, დიმიტრი საძაგლიშვილი ნიკა გვარამიას ცემის ფაქტზე მუხლის გადაკვალიფიცირებას ითხოვს. 

როგორც საძაგლიშვილმა აღნიშნა, აღნიშნულ ფაქტთან დაკავშირებით გამოძიება უნდა დაიწყოს მუხლით, რომელიც დევნას ჩადენილს ძალადობით, პოლიტიკური შეხედულებებით ან საზოგადოებრივი აქტივობით, გულისხმობს. 

მისივე თქმით ის მუხლი, რომლითაც ამჟამად გამოძიება მიმდინარეობს, აბსურდულია.

"126-ე მუხლით ამ ქმედების დაკვალიფიცირება შეიძლება მიზნად ისახავდეს მხოლოდ და მხოლოდ იმას, რომ მსუბუქი სასჯელი იქნეს გამოყენებული დამნაშავის მიმართ და შესაბამისად, მას არ დაეკისროს პასუხისმგებლობა კანონის გათვალისწინებული წესით“, - განაცხადა საძაგლიშვილმა. 

ცნობისთვის, მუხლის გადაკვალიფიცირებაზე განცხადება ნიკა გვარამიამაც ისაუბრა.

გვარამიას თქმით, მასზე თავდასხმა იყო ჯგუფური. 

“თუ ჩემ წინააღმდეგ ჩადენილ დანაშაულს მოტივი არ ქონდა, მაშინ ჯგუფური ხულიგნობაა. თუ მოტივი ჩემი პოლიტიკური და საზოგადოებრივი საქმიანობაა, მაშინ სიძულვილის დანაშაულია და დევნა ძალის გამოყენებით. კვალიფიკაცია, რომელიც ჯერ-ჯერობით აქვს საქმეს - ძალადობა, სრულიად არაადეკვატურია. თავდასხმა იყო ჯგუფური", - წერს ნიკა გვარამია. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ღარიბაშვილი: სხვა გზა არ დამიტოვეს, რომ წინ არ აღვუდგე ამ ღირსების შემლახავ ბოროტებას

თუ იქნება მოთხოვნა, კიდევ შევიტანთ, თუ ჯვარზე გაგვაკრეს, აღარ მინდა – სოლიდუსის მფლობელი

მიქაუტაძეს ქრთამის სახით აღებული თანხა ლილუაშვილთან კაბინეტში მიჰქონდა - პროკურორი

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal