„ფაქტია, რომ ასეთი ინციდენტების მიმართ პოლიცია სენსიტიური არ იყო“, - ამის შესახებ სახალხო დამცველმა უჩა ნანუაშვილმა ქობულეთის მუსლიმთა პანსიონატის საქმესთან დაკავშირებით განაცხადა.

როგორც ომბუდსმენმა აღნიშნა,  უკვე რამდენიმე ადამიანის მიმართ კონკრეტული პასუხისმგებლობა დადგა.

„რამდენადაც ვიცი რეამდენიმე ადამიანის მიმართ კონკრეტილი პასუხისმგებლობის შედეგი დადგა.  ეს არის საკითხი, რასაც ჩვენ განსაკუთრებული ყურადღებით ვსწავლობთ და ვადევნებთ თვალყურს. ზოგადად, ასეთი ინციდენტების მიმართ პოლიცია სენსიტიური არ იყო და ეს ფაქტია. ჩვენ ასეთი არაერთი ფაქტი გვაქვს და მათ შორის ბოლო წლებში მიმდინარე სხვადასხვა საქმეების გამოძიების თვალსაზრისით. სამწუხაროდ ასეთი ტენდენცია ბოლო წლებში ნამდვილად შეინიშნება, როცა გამოძიება ბოლომდე არ არის მისული და არ არის დამდგარი კონკრეტული შედეგი. რა თქმა უნდა ჩემთვის ძალიან მნიშვნელოვანია, რომ ამ მხრივ სამართალდამცავმა ორგანოებმა ყველა ღონე იხმარონ იმისთვის, რომ ნებისმიერი ასეთი ინციდენტი იყოს გამოძიებული და ადეკვატურად მოხდეს რეაგირება“, - განაცხადა ნანუაშვილმა. 

ცნობისთვის, 

ცნობისთვის,ბათუმის საქალაქო სასამართლომ ქობულეთის მუსლიმური პანსიონის სარჩელი ნაწილობრივ დააკმაყოფილა.

სასამართლომ  მუსლიმური პანსიონის მეზობლად მცხოვრები სამი პირი ჟუჟუნა რუხაძე, ანგელინა ყურშუბაძე და ზურაბ რუხაძე დისკრიმინაციულ ქმედებაში დაადანაშაულა.

 მოსამართლე ხათუნა ბოლქვაძემ აღნიშნული პირები დაავალდებულა, თავი შეიკავონ ყოველგვარი ქმედებისგან, რაც ხელს შეუშლის მუსლიმთა პანსიონის მუშაობას.

ორი წლის წინ, ქობულეთში, მუსლიმური პანსიონის გახსნას ადგილობრივების მხრიდან საპროტესტო აქციები მოჰყვა. მოსახლეობამ პანსიონის შესასვლელ კარზე ღორის თავი გააკრა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს