ჩვენ გვტკივა თქვენი ტკივილი და გვიხარია თქვენი სიხარული, ჩვენ გპირდებით სწრაფ განვითარებას" ,-ასე მიმართა პოლიტიკური გაერთიანება „ქართული ოცნება-დემოკრატული საქართველოს" თავმჯდომარე, პრემიერ-მინისტრმა გიორგი კვირიკაშვილმა საჩხერის მოსახლეობას.

პარტიის თავმჯდომარემ საჩხერის რაიონულ ცენტრში შეკრებილ ადგილობრივებს  მაჟორიტარობის კანდიდატი, პაატა კვიჟინაძე, წარუდგინა.

 "ეს არის მებრძოლი ადამიანი, მას ყველას გულისტკივილი გულთან მიაქვს და იბრძვის ადამიანების პრობლემების მოგვარებისთვის. სწორედ ამიტომ, გადავწყვიტეთ, პაატა კვიჟინაძემ წარმოადგინოს საჩხერე პარლამენტში",-აღნიშნა პრემიერმა.

მთავრობის მეთაურმა სიტყვით გამოსვლისას ინფრასტრუქტურული პროექტების მნიშვნელობაზე გაამახვილა ყურადღება.

საჩხერის მოსახლეობას სიტყვით  ასევე მიმართა „ქართული ოცნება-დემოკრატიული საქართველოს" გენერალურმა მდივანმა კახა კალაძემ.

"მიხარია, რომ ამდენ გულანთებულ ადამიანს ვხედავ. ჩვენ 8 ოქტომბერს ერთად ვიზეიმებთ „ქართული ოცნების" გამარჯვებას, რაც ნიშნავს, სრულიად საქართველოს გამარჯვებას",-აღნიშნა პარტიის გენერალურმა მდივანმა.

ადგილობრივებს სიტყვით მიმართა და მაჟორიტარობის კანდიდატს მხარდაჭერა გამოუცხადა პარლამენტის ვიცე -სპიკერმა,საჩხერის მაჟორიტარმა დეპუტატმა, მანანა კობახიძემ.

 "ქართული ოცნების" შექმნას სწორედ საჩხერეში ჩაეყარა საფუძველი, ყველა დიდი საქმე საჩხერიდან იწყება. 2012 წელს ერთ მუშტად დავდექით და გავიმარჯვეთ, დარწმუნებული ვარ, მომავალ საპარლამენტო არჩევნებში გამარჯვების ტონის მომცემი გახდება საჩხერე",-განაცხადა მანანა კობახიძემ.

პაატა კვიჟინაძემ გიორგი კვირიკაშვილსა და „ქართული ოცნების" გუნდს გამოცხადებული ნდობისთვის მადლობა გადაუხადა და საკუთარ საქმიანობასა და სამომავლო გეგმებზე ისაუბრა.

„ამ ოთხი წლის განმავლობაში მივაღწიეთ მთავარს, თავისუფლებას, მაგრამ არ ვკმაყოფილდებით მიღწეულით და განვაგრძობთ ბრძოლას უკეთესი მომავლისთვის",-აღნიშნა მაჟორიტარობის კანდიდატმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა