ექსპერტი პოლიტიკის საკითხებში რამაზ საყვარელიძე მიიჩნევს, რომ ახალი სახეების გამოჩენა "ქართულ ოცნებაში" დაძაბულობას გაზრდის, რადგან ძველ სახეებს ამით პრობლემები შეექმნებათ.

როგორც საყვარელიძემ "ექსპრენიუსს" განუცხადა, ახალი სახეების გამოჩენა კარგია, მაგრამ დასკვნების გამოტანა საბოლოო სიის გამოქვეყნების შემდეგ იქნება შესაძლებელი.

"ჯერჯერობით, რასაც შევხედე, საკმაოდ კარგი ახალგაზრდები არიან, რომელთაც ძალიან კარგი განათლება აქვთ მიღებული. გარდა ამისა, ახალი სახეები საკუთარი საქმის პროფესიონალები არიან. მე ვფიქრობ, ეს საკმაოდ მომგებიანი განაცხადია, მაგრამ ჯერ არ ვიცით საბოლოო სია როგორი იქნება. შეიძლება პრობლემა გახდეს ის, რომ "ოცნებამ" ეს გადაწყვეტილება გვიან მიიღო. ჯობდა ადრე მომწიფებულიყო ეს გადაწყვეტილება და ისინი საზოგადოებისთვის დროულად წარედგინათ. ამით, ახალი სახეების ცნობადობა კიდევ უფრო გაიზრდებოდა. ამასთან, ახალი სახეების მოსვლა მმართველ გუნდში დაძაბულობას გაზრდის. ახალი სახეების წინ წამოწევით ძველ სახეებს გაუჩნდებათ პრობლემები. თუმცა, თაობათა შორის დაპირისპირება ადრე თუ გვიან აუცილებლად იქნებოდა", - განაცხადა საყვარელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა