რუსეთის ქალაქ კიროვის რაიონულმა სასამართლომ დაუსწრებლად 6 წლით თავისუფლების აღკვეთა მიუსაჯა 28 წლის ალექსანდრა პუგაჩს - ვალენტინ პუგაჩის შვილს, რომელიც 2018 წლის არჩევნებზე რუსეთის პრეზიდენტ ვლადიმერ პუტინის ერთ-ერთი ნდობით აღჭურვილი პირი იყო.

საქმე რუსეთის არმიის შესახებ ე.წ. ფეიკების გავრცელებას ეხებოდა.

როგორც გამოცემა მედიაზონა წერს, განაჩენი 14 მაისს გამოიტანეს და ის უკვე შევიდა ძალაში. პატიმრობის გარდა, ალექსანდრა პუგაჩს 3.5 წლით ვებ-გვერდების ადმინისტრირება აეკრძალა.

ალექსანდრა პუგაჩი არის ვიათკის სახელმწიფო უნივერსიტეტის რექტორის, ვალენტინ პუგაჩის ქალიშვილი. 2018 წლის საპრეზიდენტო არჩევნებზე ის კიროვის ოლქიდან ვლადიმირ პუტინის ნდობით აღჭურვილი პირი იყო.

რუსეთ-უკრაინის სრულმასშტაბიანი ომის დაწყების შემდეგ ალექსანდრა პუგაჩი საქართველოში გადმოვიდა საცხოვრებლად და მამასთან ურთიერთობა შეწყვიტა. მის წინააღმდეგ საქმის აღძვრის საფუძველი საქართველოში გამართულ ანტისაომარ მიტინგზე მისი გამოსვლა გახდა, სადაც ის უკრაინის დახმარებისა და უკრაინის შეიარაღებული ძალებისთვის შემოწირულობების გაკეთებისკენ მოუწოდებდა.

ავტორი: ექსპრესნიუსი,

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს