ყველა სამთავრობო უწყება უნდა იყოს ერთიან სივრცეში - ასეთია "ოცნების" გეგმა - ამის შესახებ "ოცნების" დეპუტატმა, ლადო ბოჟაძემ განაცხადა.

მისი თქმით, მოხდება როგორც პარლამენტის ასევე სამინისტროების არსებული შენობების პრივატიზება. რაც შეეხება კითხვას, გაიყიდება თუ არა აღნიშნული შენობები, ამას ბოჟაძე ვერ პასუხობს. 

ქვეყანას აქვს ეკონომიკური წინსვლა,  ქვეყანას აქვს გაზრდილი ბიუჯეტი. ყველა სამთავრობო უწყება სავარაუდოდ ერთიან სივრცეში. თქვენ იცით, რომ არსებობს სამინისტრო, რომელსაც საკუთარი შენობაც კი არ გააჩნია და სამინისტოები იჯარებს იხდიან. რა თქმა უნდა, ბიუჯეტის თანხები დაიზოგება და მოხდება იმ შენობების პრივატიზება, რომელშიც ახლა არიან. ორივეგან ხომ არ იჯდებიან ადამიანები", - ამბობს ლადო ბოჟაძე. 

საქართველოს მუნიციპალური განვითარების ფონდმა გამოაცხადა ტენდერი თბილისის ჩუღურეთის რაიონში, გედევანიშვილის ქუჩაზე (ყოფილი „არსენალის ბორცვი“) მდებარე „სამთავრობო ქალაქის“ გენერალური გეგმისა და წინასწარი პროექტების მოსამზადებლად.

პროექტი ითვალისწინებს ქალაქის მშენებლობას, რომელშიც განთავსდება სამთავრობო უწყებები:

პარლამენტის შენობა
მთავრობის ადმინისტრაცია
ღონისძიებების დარბაზი
საგარეო საქმეთა სამინისტრო
ტენდერის დოკუმენტაციაში მითითებულია, რომ „აღნიშნული შენობებისა და ნაგებობების უსაფრთხო და შეუფერხებელი ფუნქციონირებისთვის აუცილებელია ღობეების მოწყობა“.

ამ ტერიტორიაზე ასევე დაგეგმილია შემდეგი საოფისე შენობების მშენებლობა:

ინფრასტრუქტურის სამინისტრო
რეგიონული განვითარების სამინისტრო
ლტოლვილთა, შრომის, ჯანმრთელობისა და სოციალური დაცვის სამინისტრო
ეკონომიკისა და მდგრადი განვითარების სამინისტრო
გარემოს დაცვისა და სოფლის მეურნეობის სამინისტრო
განათლების, მეცნიერებისა და ახალგაზრდობის საქმეთა სამინისტრო
კულტურის სამინისტრო
თბილისის მერია
საქართველოს სახელმწიფო დაცვის სპეციალური სამსახური
შერიგებისა და სამოქალაქო თანასწორობის საკითხებში სახელმწიფო მინისტრის აპარატი
ასევე კომუნალური/დამხმარე შენობები და ნაგებობები.

„პროექტის მთავარი მიზანია საზოგადოებრივი სერვისების ხელმისაწვდომობის გაუმჯობესება და თანამედროვე, ერთიანი და მდგრადი სივრცის შექმნა, რომელიც სრულად იქნება ინტეგრირებული დედაქალაქის დაგეგმილ სტრუქტურაში. არსებული ტერიტორია ისე უნდა განვითარდეს, რომ ქალაქის განუყოფელი ნაწილი გახდეს და ხელი შეუწყოს სახელმწიფო და საზოგადოებრივი სერვისების გაუმჯობესებულ მიწოდებას, უწყებათაშორისი კოორდინაციის გაძლიერებასა და ოპტიმიზაციას, ასევე სახელმწიფო და საზოგადოებრივი ღონისძიებების ორგანიზებასა და შეუფერხებელ ჩატარებას“, - ნათქვამია დოკუმენტში.

ავტორი: ექსპრესნიუსი,

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე