საქართველოს თავდაცვის მინისტრი თინათინ ხიდაშელი დიდი ბრიტანეთისა და ჩრდილოეთ ირლანდიის გაერთიანებულ სამეფოში ვიზიტით იმყოფება.

თავდაცვის სამინისტროს ინფორმაციით, უწყების ხელმძღვანელმა საერთაშორისო საქმეთა სამეფო ინსტიტუტში „Chatham House“ გამართულ კონფერენციაში მიიღო მონაწილეობა.

ორდღიან ფორუმს „უსაფრთხოება და თავდაცვა ევროპაში“ სხვადასხვა ქვეყნის თავდაცვისა და საგარეო საქმეთა მინისტრები, საერთაშორისო ორგანიზაციების ხელმძღვანელები, ასევე, თავდაცვისა და უსაფრთხოების სფეროს ექსპერტები და მკვლევარები ესწრებიან.

ბრიტანეთში ვიზიტის ფარგლებში თინათინ ხიდაშელი ანალიტიკურ ცენტრში „Gatehouse” მრგვალი მაგიდის ფორმატის შეხვედრასაც დაესწრო, სადაც თანამედროვე გამოწვევების შესახებ იმსჯელეს.

დაგეგმილია თავდაცვის მინისტრის ორმხრივი შეხვედრაც. თინათინ ხიდაშელს დიდი ბრიტანეთისა და ჩრდილოეთ ირლანდიის გაერთიანებული სამეფოს ვაჭრობისა და ინვესტიციის, თავდაცვისა და უსაფრთხოების ორგანიზაციის დირექტორის თანაშემწე ენდრიუ ვიტფილდი უმასპინძლებს. შეხვედრაზე საქართველოსა და ბრიტანეთს შორის სამხედრო ინდუსტრიის კუთხით თანამშრომლობის პერსპექტივებს განიხილავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა