2025-06-17 19:53:16, 1648 ნახვა
ომი უკრაინაში
ვოლოდიმირ ზელენსკი G7 სამიტზე ჩავიდა, რომელიც კანადაში იმართება
უკრაინის პრეზიდენტი ვოლოდიმირ ზელენსკი “დიდი შვიდეულის” სამიტზე ჩავიდა. ამის შესახებ ინფორმაციას უკრაინული მედია ავრცელებს.
წყაროების ცნობით, ზელენსკი “დიდი შვიდეულის” ლიდერების სპეციალურ სხდომაზე მიიღებს მონაწილეობას სახელწოდებით “ძლიერი და სუვერენული უკრაინა”.
ამის გარდა, უკრაინის პრეზიდენტს შეხვედრები აქვს დაგეგმილი ემანუელ მაკრონთან (საფრანგეთის პრეზიდენტი), კირ სტარმერთან (დიდი ბრიტანეთის პრემიერ-მინისტრი), ანტონიო კოშტასთან (ევროპული საბჭოს პრეზიდენტი), ურსულა ფონ დერ ლაიენთან (ევროკომისიის პრეზიდენტი), ლუის ინასიო ლუის დე სილვასთან (ბრაზილიის პრეზიდენტი), მარკ რუტესთან (ნატოს გენერალური მდივანი), ჯორჯა მელონისთან (იტალიის პრემიერ-მინისტრი) და ნარენდრა მოდისთან (ინდოეთის პრემიერ-მინისტრი).
ავტორი: ექსპრესნიუსი,
epn.ge (@expressnews.ge)
