გერმანია კიევს ხუთი მილიარდი ევროს ოდენობის დამატებით სამხედრო დახმარებას გამოუყოფს. ამის შესახებ გერმანიის თავდაცვის სამინისტრომ განაცხადა.

დღეს ბერლინში ვიზიტით იმყოფება უკრაინის პრეზიდენტი ვოლოდიმირ ზელენსკი, რომელიც გერმანიის კანცლერს, ფრიდრიხ მერცს და პრეზიდენტ ფრანკ-ვალტერ შტაინმაიერს შეხვდა.

როგორც მერცმა განაცხადა, ბერლინი დაეხმარება კიევს შორს მანძილზე მოქმედი შეიარაღების წარმოებაში.

თავის განცხადებაში გერმანიის თავდაცვის უწყებამ აღნიშნა რუსეთის ავიადარტყმები, რომელთა შედეგადაც დაიღუპნენ და დაშავდნენ მშვიდობიანი მოქალაქეები და დაინგრა სამოქალაქო ინფრასტრუქტურა. უწყება აღნიშნავს, რომ სამხედრო დახმარების დაფინანსება ბუნდესტაგის მიერ უკვე დამტკიცებული სახსრებიდან მოხდება.

გერმანიის თავდაცვის სამინისტროს ცნობით, ბერლინში თავდაცვის მინისტრმა, ბორის პისტორიუსმა და მისმა უკრაინელმა კოლეგამ, რუსტემ უმეროვმა ხელი მოაწერეს შეთანხმებას უკრაინაში შორ მანძილზე მოქმედი შეიარაღების წარმოების დაფინანსების შესახებ. უწყების განცხადებით, ამ შეიარაღების სისტემების მნიშვნელოვანი ნაწილის წარმოება უკვე 2025 წელს იგეგმება და ეს შეიარაღება იქნება სწრაფად ხელმისაწვდომი უკრაინის შეიარაღებული ძალებისთვის.

გერმანია ასევე მიაწვდის დამატებით სამხედრო აღჭურვილობას უკრაინას, მათ შორის საჰაერო თავდაცვის სისტემებს და სხვა შეიარაღებას.

როგორც თავდაცვის სამინისტრო აღნიშნავს, უკრაინის შეიარაღებული ძალების ზემოთ ხსენებული დახმარების საერთო ღირებულება დაახლოებით ხუთ მილიარდ ევროს შეადგენს.

ავტორი: ექსპრესნიუსი,

სოციალური ქსელები

ივანიშვილის წარმომადგენელი მდინარაძე ქართველ ხალხს ცენზურის უფრო გამკაცრებას და აღსრულებას პირდება

მდინარაძე ქვეყანაში ცენზურის სამსახურის ამოქმედებას კრიტიკულ მედიას და ოპოზიციას აბრალებს

უკრაინული რაკეტები ამჟამად რუსეთის რეგიონების ნახევარზე მეტს აღწევენ

Bloomberg: რუსეთის უმდიდრესი ადამიანების ქონება წლის დასაწყისიდან 4.82 მილიარდი დოლარით გაიზარდა