2025-04-02 09:35:50, 1580 ნახვა
ომი უკრაინაში
რუსებმა ხარკოვს დრონებით შეუტიეს - არიან დაშავებულები, მათ შორის ბავშვები
რუსულმა ძალებმა უკრაინის ქალაქ ხარკოვზე, დრონების გამოყენებით, მასიური თავდასხმა განახორციელეს, - ინფორმაციას უკრაინული მედია ავრცელებს.
ხარკოვის საოლქო-სამხედრო ადმინისტრაციის ხელმძღვანელის, ოლეგ სინეგუბოვის განცხადებით, ქალაქში სულ მცირე 15 აფეთქების ხმა გაისმა.
ბოლო მონაცემებით, თავდასხმის შედეგად 8 ადამიანი დაშავდა, მათ შორის 7 წლის და 9 თვის ასაკის ბავშვები. დაზიანდა საცხოვრებელი სახლები, გაჩნდა ხანძარი.
უკრაინული მედიის ცნობით, რუსეთის საოკუპაციო ძალების მიერ ხარკოვის დაბომბვის რაოდენობა მარტში თებერვალთან შედარებით გაორმაგდა.
ავტორი: ექსპრესნიუსი,
epn.ge (@expressnews.ge)
