ვაგრძელებთ მანიფესტს, მივდივართ ახალციხეში, სამცხე-ჯავახეთში, კიდევ ორი რეგიონია დარჩენილი და იქაც აუცილებლად ჩავალთ, - ამის შესახებ ვასო აბაშიძის სახელობის „ახალი თეატრის“ მსახიობმა, გივიკო ბარათაშვილმა, ჟურნალისტებთან საპროტესტო მანიფესტის ფარგლებში ახალციხეში წასვლამდე განაცხადა.

მისი თქმით, აქამდე, სადაც საპროტესტო მანიფესტის ფარგლებში იყვნენ, „შედეგი გამოიღო“.

„ჩვენი მიზანი იყო ხალხთან საუბარი და დიალოგი. ჩვენ ყოველთვის გამოვთქვამთ მზაობას დიალოგისთვის - არ აქვს მნიშვნელობა იმ ადამიანებთან, ვინც ჩვენს აზრზე არიან თუ იმ ადამიანებთან, ვინც საწინააღმდეგო აზრზე არიან. მითუმეტეს, ამ ადამიანებთან საუბარი უფრო საინტერესო და პროდუქტიულია. მგონია, რომ სადაც ვიყავით, უკვე ყველგან გამოიღო რაღაც მხრივ შედეგი. რა თქმა უნდა, ვაგრძელებთ ჩვენს მანიფესტს, მივდივართ ახალციხეში, სამცხე-ჯავახეთში, კიდევ ორი რეგიონია დარჩენილი და იქაც აუცილებლად ჩავალთ“, - განაცხადა გივიკო ბარათაშვილმა.

ცნობისთვის, „ახალი თეატრის“ საპროტესტო მანიფესტის რეგიონებში გასვლის შესახებ 23 იანვარს გახდა ცნობილი. როგორც „ახალი თეატრის“ სამხატვრო ხელმძღვანელმა დავით დოიაშვილმა მსახიობებისა და რეჟისორების საპროტესტო მანიფესტისას განაცხადა, ყველაფერი გააკეთეს, რათა დიალოგი შემდგარიყო პროკურატურასთან, თუმცა, მისივე თქმით, „პროკურატურამ ეს არ შეიმჩნია“.

ხელოვნების სფეროს წარმომადგენლებმა ქვეყანაში ბოლო პერიოდში განვითარებული მოვლენები გააპროტესტეს და უკანონოდ დაკავებული პირების, მათ შორის, „ახალი თეატრის“ მსახიობის, ანდრო ჭიჭინაძის გათავისუფლება მოითხოვეს.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი