გაერო-ს ადამიანის უფლებათა საბჭოს სესიის ფარგლებში აღმოსავლეთ პარტნიორობის ქვეყნებში სამოქალაქო საზოგადოების როლის გაძლიერებაზე იმსჯელეს.

საქართველოს საგარეო უწყების ინფორმაციით, თემატური სესია ლიტვის საგარეო საქმეთა სამინისტროს ინიციატივით ჩატარდა და მას არასამთავრობო სექტორის, საერთაშორისო საზოგადოების და გაერო-ს შესაბამისი სტრუქტურების წარმომადგენლები ესწრებოდნენ.

სესიის მონაწილეებს სიტყვით მიმართა საქართველოს საგარეო საქმეთა მინისტრმა. საკუთარ გამოსვლაში მიხეილ ჯანელიძემ ისაუბრა საქართველოს გამოცდილებაზე სამოქალაქო სექტორის ჩართულობის თვალსაზრისით.

როგორც მინისტრმა აღნიშნა საქართველოს ხელისუფლება მაქსიმალურად ცდილობს უზრუნველყოს სამოქალაქო სექტორის თანამონაწილეობა ქვეყნისათვის ყველა მნიშვნელოვან პროცესში. მისი თქმით სამოქალაქო სექტორი აქტიურად არის ჩართული და მონიტორინგს უწევს საქართველოს ევროპული დღის წესრიგით გათვალისწინებულ რეფორმებს, ასოცირების შეთანხმების სრულ იმპლემენტაციას.

მიხეილ ჯანელიძემ მნიშვნელოვნად დაასახელა სამოქალაქო სექტორის და საერთაშორისო თანამეგობრობის აქტიური თანამონაწილეობა ადამიანის უფლებათა დაცვის საკითხებზე გრძელვადიანი სამთავრობო სტრატეგიის შექმნაში, რომლის იმპლემენტაციას, ასევე სამოქალაქო სექტორის აქტიური თანამონაწილეობით მიმდინარეობს.

მიხეილ ჯანელიძემ საერთაშორისო თანამეგობრობას ასევე გააცნო საქართველოს პრემიერ-მინისტრის ინიციატივა სამოქალაქო სექტორთან რეგულარული დიალოგის ფორმატის შესახებ, რომელშიც პრემიერ-მინისტრი უშუალოდ არის ჩართული.

მინისტრმა ისაუბრა საქართველოს ოკუპირებულ რეგიონებში შექმნილ მდგომარეობაზე. მისი განცხადებით საერთაშორისო მონიტორინგის მექანიზმის არარსებობის პირობებში დიდ მნიშვნელობას იძენს სამოქალაქო სექტორის აქტიური ჩართულობა აფხაზეთისა და ცხინვალის რეგიონში, როგორც ადამიანის უფლებების დაცვის უზრუნველყოფის, ასევე ნდობის აღდგენის პროცესში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა