გერმანიის საგარეო საქმეთა მინისტრი ანალენა ბერბოკი მოულოდნელი ვიზიტით კიევში ჩავიდა. ამის შესახებ ინფორმაციას "უკრაინსკაია პრავდა" ავრცელებს.

მედიის ცნობით, ბერბოკი უკრაინის პრეზიდენტს, ვოლოდიმირ ზელენსკისა და საგარეო საქმეთა მინისტრს, ანდრეი სიბიგას შეხვდება.

"თითქმის ათასი დღეა, პუტინის ომი არყევს უკრაინელების ყოველდღიურ ცხოვრებას, მაგრამ არა მათ გამბედაობას და თავისუფალ უკრაინაში უსაფრთხო ცხოვრების იმედს. ჩვენ ვეწინააღმდეგებით ამ სისასტიკეს ჩვენი ჰუმანურობითა და მხარდაჭერით, რათა უკრაინელებმა არა მხოლოდ ზამთარს გაუძლონ, არამედ გადარჩეს ქვეყანა, რადგან ისინი ასევე იცავენ ყველა ჩვენგანის თავისუფლებას ევროპაში",- განაცხადა ანალენა ბერბოკმა.

ცნობისთვის, გერმანიის საგარეო საქმეთა მინისტრის, ანალენა ბერბოკის ეს რიგით მერვე ვიზიტია უკრაინაში, რუსეთის მიერ სრულმასშტაბიანი ომის დაწყების  შემდეგ.

ავტორი: ექსპრესნიუსი,

სოციალური ქსელები

მოჯთაბა ხამენეი მამის დაკრძალვას, სავარაუდოდ, ვერ დაესწრება

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა