უკრაინის ტერიტორიული მთლიანობა არ იქნება განხილვის ან კომპრომისის საგანი, ყირიმი უკრაინაა, წერტილი! - ამის შესახებ უკრაინის საგარეო საქმეთა სამინისტრო განცხადებას ავრცელებს.

უკრაინის საგარეო უწყების განმარტებით, კიევს პარტნიორების ძლიერი მხარდაჭერის გაგრძელების იმედი აქვს, რათა აიძულონ რუსეთი, დაუბრუნდეს საერთაშორისო სამართლისა და გაეროს წესდების პატივისცემას, გაიყვანოს ჯარები და სამხედრო ტექნიკა უკრაინის მთელი სუვერენული ტერიტორიიდან, აღდგეს უკრაინის ტერიტორიული მთლიანობა, რუსეთმა პასუხი აგოს უკრაინის წინააღმდეგ ჩადენილი აგრესიისა და ყველა დანაშაულისთვის.

"უკრაინის ტერიტორიული მთლიანობა არასოდეს ყოფილა და არ შეიძლება იყოს განხილვის ან კომპრომისის საგანი, ყირიმი უკრაინაა, წერტილი! უკრაინის მხარეს დგანან ჩვენი თავდაცვის ძალები, ჩვენი საერთაშორისო პარტნიორები, გაეროს წესდება და საერთაშორისო სამართალი. ყირიმი არის ევროპის უსაფრთხოების არქიტექტურის სიმძიმის ცენტრი. მისი სრული აღდგენა შესაძლებელია მხოლოდ უკრაინის მთელი ტერიტორიის სრული დეოკუპაციის გზით, უკრაინის ნახევარკუნძულის ჩათვლით.

ყველა ძალისხმევა მიმართული უნდა იყოს ამ მიზნების რაც შეიძლება მალე მიღწევაზე და არა კრემლის მადის დაკმაყოფილებაზე, ამა თუ იმ გზით, უკრაინის ინტერესებისა და საერთაშორისო სამართლის ხარჯზე. მშვიდობის ფორმულის ფარგლებში, უკრაინის პრეზიდენტმა წარმოადგინა მკაფიო ხედვა უკრაინისა და მსოფლიოსთვის ყოვლისმომცველი, სამართლიანი და ხანგრძლივი მშვიდობის მისაღწევად. ჩვენ ვიწვევთ ყველას, ვინც პატივს სცემს საერთაშორისო კანონს და გაეროს წესდებას, შემოუერთდეს მშვიდობის ფორმულის განხორციელებას, როგორც ერთადერთ გზას ევროპაში სამართლიანი და ხანგრძლივი მშვიდობის აღდგენისკენ", - აღნიშნულია განცხადებაში.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი