ზაპოროჟიეს ოლქში, რუსებმა აღდგომის ღამეს ეკლესია დაბომბეს. 1906 წელს აშენებული, მთავარანგელოზ მიქაელის სახელობის ტაძარი მთლიანად განადგურდა. თემის თავმჯდომარის, იური კარპეტიანის თქმით, ოკუპანტებმა სარაკეტო იერიში სოფელ კამიშევაზე  S-300 ტიპის რაკეტებით მიიტანეს. დაბომბვის დროს ტაძარში არავინ იმყოფებოდა, რადგან მოსალოდნელი საფრთხის გამო, წინა დღეს გადაწყდა, რომ სააღდგომო მსახურება არ ჩატარდებოდა.

ზაპოროჟიეს რეგიონალური სამხედრო ადმინისტრაციის ხელმძღვანელის, იური მალაშკოს ინფორმაციით ეკლესიის მიმდებარე ტერიტორიაზე ჩამოვარდნილმა რაკეტამ დაანგრია და დააზიანა ახლოს მდებარე სახლები. დაშავებულია 2 ადამიანი.

დღეს სააღდგომო ლიტურგიის შემდეგ ოკუპანტებმა ნიკოპოლში ტაძარი დაბომბეს. დნეპროპეტროვსკის რეგიონული სამხედრო ადმინისტრაციის ხელმძღვანელის, სერხი ლისაკის ცნობით, ორი ადამიანი დაშავდა.

„რუსებმა კიდევ ერთხელ დაადასტურეს, რომ მათში არაფერია წმინდა. ნიკოპოლის ეკლესიას მძიმე არტილერიით დაარტყეს, ორი ადამიანი დაშავდა. 57 წლის კაცი ამბულატორიულ მკურნალობას გადის, 38 წლის ქალი საავადმყოფოში გადაიყვანეს“, - წერს ის.

ლისაკის ცნობითვე, ქალაქში დაზიანდა ხუთი საცხოვრებელი კორპუსი, ორი მანქანა და რამდენიმე ელექტროგადამცემი ხაზი.

ავტორი: ექსპრესნიუსი,

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა