ევროპარლამენტარები მარკეტა გრეგოროვა, მირიამ ლექსმანი, პეტრას აუსტერვიჩუსი და ანდრიუს კუბილიუსი საქართველოს მესამე პრეზიდენტის საქმეზე თბილისის საქალაქო სასამართლოს გადაწყვეტილებასთან დაკავშირებით ერთობლივ განცხადებას ავრცელებენ.

განცხადებაში 4 ევროპარლამენტარი ექსპრეზიდენტის ჯანმრთელობის მდგომარეობის მიმართ "ქართული ოცნების" ხელისუფლების გულგრილობის გამო, იმედგაცრუებასა და მწუხარებას გამოთქვამს.

„ჩვენ, განცხადებაზე ხელმომწერი ევროპარლამენტის წევრები გამოვხატავთ ღრმა იმედგაცრუებასა და წუხილს საქართველოს ხელისუფლების მხრიდან ყოფილი პრეზიდენტის, მიხეილ სააკაშვილის სწრაფად გაუარესებული ჯანმრთელობის მდგომარეობის მიმართ გულგრილობის გამო...

ევროპარლამენტმა 2022 წლის 9 ივნისის რეზოლუციაში გამოხატა შეშფოთება პრეზიდენტ სააკაშვილის ჯანმრთელობასთან დაკავშირებით და მოითხოვა მისი გათავისუფლება ჰუმანიტარული ნიშნით, რათა მას სათანადო სამედიცინო დახმარება საზღვარგარეთ მიეღო. მას შემდეგ ეს შეშფოთება კიდევ არაერთხელ გამოვთქვით. ვინაიდან  სააკაშვილის ჯანმრთელობა სწრაფად უარესდება, მისი სიცოცხლე გვაღელვებს.

ჩვენ ვაღიარებთ და მტკიცედ ვუჭერთ მხარს ქართველი ხალხის ევროპულ მისწრაფებებს. იყო ევროპელი ნიშნავს, ერთგულობდე ევროპულ ღირებულებებსა და იდეალებს, რაც საქართველოს მხრიდან გვაკლია. მოვუწოდებთ საქართველოს ხელისუფლებას და ქართველ ხალხს, პატივი სცენ პრეზიდენტი სააკაშვილის ადამიანურ ღირსებას და დაიცვან მისი სიცოცხლე. მოგიწოდებთ, თავიდან აირიდოთ ტრაგედია, რომელიც თქვენს ევროპულ მისწრაფებებს ძირს გამოუთხრის და გადაავადებს ევროკავშირის კანდიდატის სტატუსს", - ნათქვამია ევროპარლამენტარების ერთობლივ განცხადებაში.

შეგახსენებთ, 6 თებერვალს თბილისის საქალაქო სასამართლომ მიხეილ სააკაშვილის გათავისუფლების ან სასჯელის გადავადების შუამდგომლობა არ დააკმაყოფილა. გადაწყვეტილება მოსამართლე გიორგი არევაძემ მიიღო.

ავტორი: ექსპრესნიუსი,

სოციალური ქსელები

კოალიცია ცვლილებისთვის და სტრატეგია აღმაშენებელი იწყებენ კამპანიას - ემიგრანტის ხმა

კალაძე ადასტურებს, რომ რეჟიმი ტრადიციების დასაცავად საკანონმდებლო რეგულაციების გამკაცრებას გეგმავს

ეროვნული ბანკი აფრთხილებს, რომ ქვეყანაში ფინანსური პირამიდები გამოჩდნენ და ხალხის ფულს იზიდავენ

კუპრაძე ელისაშვილის წინააღმდეგ წაყენებულ ახალ ბრალდებებზე: ეს არ არის სამართლებრივი, არამედ პოლიტიკური სასამართლო პროცესია