მილიონამდე ადამიანი ცხოვრობს რუსეთის ფედერაციაში ჩვენი თანამოქალაქე, ეთნიკურად ქართველი და რა თქმა უნდა, თუ ფრენები აღდგება ეს მნიშვნელოვანია ჩვენი თანამოქალაქეებისთვის და მხოლოდ მისასალმებელი იქნება, - ასე გამოეხმაურა „ქართული ოცნების“ თავმჯდომარე ირაკლი კობახიძე ფრენების შესაძლო აღდგენასთან დაკავშირებით, რუსეთის საგარეო საქმეთა მინისტრის, სერგეი ლავროვის განცხადებას.

როგორც კობახიძემ „იმედი LIVE“-ში აღნიშნა, 2019 წელს მიღებულმა გადაწყვეტილებამ საქართველოს მოქალაქეები დააზარალა. 

„2019 წელს  რუსეთმა ცალმხრივად მიიღო გადაწყვეტილება ფრენების შეწყვეტის თაობაზე. ეს იყო ერთგვარი სანქცია, რომელიც ამოქმედდა საქართველოს მიმართ და ამან საქართველოს მოქალაქეები დააზარალა. ჩვენ გვესმის, რომ აქაც არის ისტერიკა იმ ადამიანების მხრიდან, გავიხსენოთ ცნობილი „ტროიკა“ ხოშტარია, ვაშაძე, ზურა ჯაფარიძე, აქედან ერთ-ერთი პირდაპირ რუსეთის ბიუჯეტიდან იღებს დაფინანსებას და ეს არაფერი არ არის, მილიონობით რუბლს იღებს რუსეთის სახელმწიფო ბიუჯეტიდან და თან გეუბნება, რომ ყველაფერს რუსულზე აჟრიალებს ამ ადამიანს და იქ არ გააჟრიალა მილიონობით რუბლი რომ ჩაურიცხეს. ვაშაძე, რომელიც კატეგორიულად ითხოვდა რუსეთის მოქალაქეებისთვის სანქციების დაწესებას რუსეთის მოქალაქეზე აქირავებს საკუთარ ბინას და ზურა ჯაფარიძე, რომლისთვისაც სიფრთხილე არასწორი რამეა და ერთ ადგილს რომ მიუშვერ რუს სამხედროებს ეს ყოფილა კარგი საქციელი. ეს არის ორმაგი სტანდარტი და კიდევ უფრო მძიმე რამ რასაც ჩვენ ვაკვირდებით. როდესაც საქმე ეხება ჩვენი მოქალაქეების მდგომარეობის შემსუბუქებას ნებისმიერი ასეთი გადაწყვეტილება ჩვენთვის არის მისასალმებელი“, - განაცხადა ირაკლი კობახიძემ.

ცნობისთვის, რუსეთის საგარეო საქმეთა მინისტრმა საქართველოსთან ფრენების შესაძლო აღდგენაზე განცხადება შემაჯამებელ პრესკონფერენციაზე „ალტ ინფოს“ მიერ დასმული შეკითხვის პასუხად გააკეთა. სერგეი ლავროვმა იმედი გამოთქვა, რომ საქართველოსთან პირდაპირი ფრენები მალე აღდგება.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ