"ქართული ოცნების" ბევრი წევრი ენმ-ის არჩევნებში ლევან ხაბეიშვილის კადიდატურას ვემხრობით, მაგრამ ამ ჩანაწერთან კავშირი არ გვაქვს, - ამის შესახებ მმართველი პარტიის წარმომადგენელმა, ბექა დავითულიანმა გავრცელებულ აუდიოჩანაწერთან დაკავშირებით განაცხადა.

დავითულიანის თქმით, ეს "ერთიანი ნაციონალური მოძრაობის" ხელწერაა.

"ბრალს გვდებენ - გუშინ გვდებდნენ ყოველ შემთხვევაში, რომ ამ ჩანაწერთან კავშირი აქვს ხელისუფლებას. მიუხედავად იმისა, რომ "ქართული ოცნების" ბევრი წევრი ისევე, როგორც მე, "ნაციონალური მოძრაობის" არჩევნებში ვემხრობით ლევან ხაბეიშვილის კანდიდატურას, ამ ჩანაწერთან არავითარი კავშირი არ გვაქვს. ეს არის  "ნაციონალური მოძრაობის" ხელწერა. თვითონ პარტიის წევრები გამოვიდნენ და პირდაპირ დაადეს ხელი ვანო მერაბიშვილს", - აცხადებს დავითულიანი.

ცნობისთვის, გუშინ, 9 იანვარს სოციალურ ქსელში გავრცელდა აუდიოჩანაწერი, რომლის ავთენტურობაც დადგენილი არ არის. ჩანაწერის მიხედვით, ენმ-ის მოქმედი თავმჯდომარე ნიკა მელია მესამე პრეზიდენტ მიხეილ სააკაშვილს უცენზურო სიტყვებით მოიხსენიებს.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ