აჭარის ჯანდაცვის მინისტრი ნინო ნიჟარაძე, მოადგილე ზურაბ თენიეშვილთან და  დასაქმების სააგენტოს ხელმძღვანელთან, თემურ კახიძესთან ერთად, სააგენტოს პროგრამის ,,შეზღუდული შესაძლებლობის მქონე პირთა პროფესიული გადამზადებისა და დასაქმების ხელშეწყობის“  მიმდინარეობას სოციალურ საწარმოში - ,,ადამიანი მოქმედებაში“ გაეცნო, სადაც კონდინტერიის სწავლების კურსს 3 ბენეფიციარი გადის.

,,პროგრამის მიზანია შშმ პირების პროფესიული და პრაქტიკული უნარების განვითარება მათი დასაქმების ხელშეწყობის მიზნით და  ითვალისწინებს სამუშაოზე დაფუძვნებულ სწავლებას. მიმდინარე წელს პროგრამით სარგებლობს 8 ბენეფიციარი,  პროგრამის მთავარი უპირატესობა არის ის, რომ ხდება თითოეული ბენეფიციარისათვის ინდივიდუალური სასწავლო გეგმისა და პროგრამის შედგენა, და ამასთან, კომპანიების შერჩევისას უპირატესობა ენიჭება, ვისაც რეალურად აქვს ვაკასნია და შესაძლებლობა დაასაქმოს შშმ პირი’' - აღნიშნა თემურ კახიძემ.

პროგრამა 2017 წლიდან ხორციელდება. მოსარგებლე გადის თეორიული (არანაკლებ 200 საათი)   და პრაქტიკული (არანაკლებ 120 საათი) სწავლების კურსს.

,,აღნიშნულმა პროგრამამ ხელი შეუწყო ჩვენი ბენეფიციარების საზოგადოებაში რეინტეგრაციას და რესოციალიზაციას, რომელიც ძალიან მნიშვნელოვანია პირველ რიგში არსებული სტიგმების დასამსხვრევად, ასევე ხელს უწყობს მათ აქტიურ საქმიანობას საზოგადოებაში“-  აღნიშნა შეხვედრაზე ბათუმის სამედიცინო ცენტრის  კლინიკურმა მენეჯერმა, სოსო ჯახიამ.

როგორც პროგრამით მოსარგებლე, ახლა უკვე სოციალურ საწარმოში დასაქმებული ნანი ჯაბნიძე ამბობს - ,,მადლობა ჩემს მენტორს, რომ შემასწავლა ეს პროფესია. უკვე მეოთხე წელია ამავე საწარმოში ვარ დასაქმებული და კმაყოფილი ვარ, რომ ყოველდღიურად ვაკეთებ იმას, რაც ძალიან მახარებს“ .

პროგრამის ფარგლებში, პარალელურად სწავლებას გადის - 1 ელექტრიკოსი - სასტუმრო ჰილტონში, 1 ფრონტოფისის აგენტი - სასტუმრო ჰილტონში; 1 ფრჩხილის მოვლის სპეციალისტი - სილმაზის სალონ NG სთაილში და 1 ვებ ტექნოლოგია და სოციალური მედია - შპს კიბერ აკადემიაში.

ავტორი: NS (სტატია დაფინანსებულია),

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი