უკრაინაში საომარი მდგომარეობა და სამხედრო მობილიზაციის ვადები თითქმის ზამთრამდე - 2022 წლის 21 ნოემბრამდე გაგრძელდება.ამის შესახებ "ჰოლოსის" სახალხო დეპუტატმა იაროსლავ ჟელეზნიაკმა თავის ტელეგრამაში განაცხადა.

ორივე გადაწყვეტილებას მხარი 328-მა სახალხო დეპუტატმა დაუჭირა. დოკუმენტები პარლამენტს უკრაინის პრეზიდენტმა ვოლოდიმირ ზელენსკიმ წარუდგინა.

"პარლამენტმა მხარი დაუჭირა (#7664) საომარი მდგომარეობის 90 დღით გახანგრძლივებას 2022 წლის 21 ნოემბრამდე. საბჭომ ასევე მხარი დაუჭირა (No7665) დადგენილების დამტკიცებას „საყოველთაო მობილიზაციის ვადის გაგრძელების შესახებ“ - ნათქვამია შეტყობინებაში.

 შეგახსენებთ, რომ 12 აგვისტოს უკრაინის პრეზიდენტმა ვოლოდიმირ  ზელენსკიმ უმაღლეს რადას  საომარი მდგომარეობის გაგრძელებისა და საყოველთაო მობილიზაციის შესახებ კანონპროექტები წარუდგინა. უკანასკნელად  უკრაინაში საომარი მდგომარეობა 90 დღით -23 აგვისტომდე გაგრძელდა. 

გთხოვთ გაითვალისწინოთ, რომ საომარი მდგომარეობის პერიოდში 18-დან 60 წლამდე უკრაინის მამრობითი სქესის მოქალაქეებს ეკრძალებათ ქვეყნის გარეთ მგზავრობა. ასევე იზღუდება მოქალაქეების, უცხოელების და მოქალაქეობის არმქონე პირების გადაადგილების თავისუფლება და დაწესებულია კომენდანტის საათი.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა