უკრაინის შინაგან საქმეთა მინისტრმა დენის მონასტირსკიმ ზაპოროჟიეს ატომურ ელექტროსადგურზე არსებული ვითარების შესახებ ისაუბრა.
 

 მისი თქმით, შესაბამისი სამსახურები ოკუპანტების მიერ ბლოკირებულ ზაპოროჟიას ატომურ ელექტროსადგურზე მოვლენების განვითარების ნებისმიერი სცენარისთვის ემზადებიან.

 „ამჟამად, აბსოლუტურად პასუხისმგებლობით შეგვიძლია განვაცხადოთ, რომ არ არსებობს ადეკვატური კონტროლი ზაპორიჟჟიას ატომური ელექტროსადგურის მოქმედებებზე. დღეს ის რეალურად არა მხოლოდ მტრის ხელშია, არამედ გაუნათლებელი სპეციალისტების ხელშიც, რომლებსაც ნამდვილად შეუძლიათ ტრაგედიის დაშვება. ის უკრაინელი სპეციალისტები, რომლებიც იქ დარჩნენ, ნაწილობრივ არ უშვებენ იმ ადგილებში, სადაც უნდა იყვნენ. მოგეხსენებათ, დღეს სადგურის ტერიტორიაზე იმყოფება რუსეთის ფედერაციის სამხედრო ტექნიკა და ეს ყველაფერი საფრთხის უმაღლეს დონეზეა შეფასებული. “ -  განაცხადა მონასტირსკიმ.

მინისტრის თქმით, საგანგებო სიტუაციების სახელმწიფო სამსახური  განიხილავს სხვადასხვა სცენარს, მათ შორის მიმდებარე დასახლებების მოსახლეობის ევაკუაციას. 

როგორც UNIAN იტყობინება, 11 აგვისტოს რუსმა ოკუპანტებმა კვლავ დაბომბეს ზაპორიჟჟიას ატომური ელექტროსადგური და ატომური ობიექტის მიმდებარე ტერიტორია.

გაეროს გენერალურმა მდივანმა ანტონიო გუტერეშმა მოუწოდა ატომური ენერგიის საერთაშორისო სააგენტოს მიეცეს წვდომა ზაპორიჟჟიას ატომურ ელექტროსადგურზე "ბირთვული უსაფრთხოების ტექნიკური მხარდაჭერის გარანტიისთვის".

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა