უკრაინის პროკურატურამ განაცხადა, რომ უკრაინის თავდაცვის სამინისტროს დაზვერვის მთავარი სამმართველოს (GUR) უფროსის ყოფილი მოადგილე ღალატშია ეჭვმიტანილი.გამოძიების ინფორმაციით, დაკავებული 2014 წლიდან „ მოქმედებდა რუსეთის სპეცსამსახურების ინტერესებიდან გამომდინარე“.

"მან შეაგროვა  საიდუმლო ინფორმაცია უკრაინაში მიმდინარე სამხედრო-პოლიტიკური ვითარების შესახებ, ასევე უკრაინის შეიარაღებული ძალების და სამართალდამცავი უწყებების მიერ რუსული აგრესიის წინააღმდეგ ბრძოლის ფორმებსა და მეთოდებზე", - ნათქვამია გენერალური პროკურატურის განცხადებაში. .

SBU იტყობინება, რომ დაკავებული   თავდაცვის სამინისტროს მთავარი სადაზვერვო სამმართველოს თავმჯდომარის მოადგილის პოსტს  2008-2010 წლებში იკავებდა, შემდეგ მუშაობდა ამ დეპარტამენტის სხვადასხვა თანამდებობებზე, ასევე უკრაინის სახელმწიფო კოსმოსური სააგენტოს ხელმძღვანელობის რიგებში.

რუსეთის სპეცსამსახურების დავალებით, დაკავებულმა მათ სავარაუდოდ გაუგზავნა ინფორმაცია,  თავდაცვის სამინისტროს, დაზვერვის, სახმელეთო ჯარების ეროვნული აკადემიის ორგანოებიდან. 

„ამჟამად ეჭვმიტანილს აღკვეთის ღონისძიების სახით პატიმრობა შეეფარდა“, - აცხადებენ პროკურატურაში.

SBU-მ აღნიშნა, რომ დაკავებული ასევე ეჭვმიტანილია სამართალდამცავის სიცოცხლის ხელყოფასა და იარაღის უკანონო შენახვაში.

„მტერი მრავალი წლის განმავლობაში მუშაობდა უკრაინის სხვადასხვა ხელისუფლებისა და სამართალდამცავი ორგანოების აგენტებით გაჯერებაზე. ამიტომ, ჩვენი ამოცანაა გამოვავლინოთ ასეთი მოღალატეები და გავანადგუროთ ეს აგენტური ქსელები. ხოლო ბოლო გახმაურებული დაკავებები მიუთითებს იმაზე, რომ SBU=ს შეუძლია რუსეთის სპეცსამსახურებს ეფექტურად დაუპირისპირდეს. ეს სამუშაო მიმართულება მხოლოდ გააქტიურდება, რადგან უკრაინის გამარჯვება დიდწილად მის შედეგებზეა დამოკიდებული“, - განაცხადა SBU-ს ხელმძღვანელმა ვასილი მალიუკიმ.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა