უკრაინის პრეზიდენტმა, ვოლოდიმირ ზელენსკიმ გააკრიტიკა Amnesty International მას შემდეგ, რაც ორგანიზაციამ უკრაინელი მებრძოლები საერთაშორისო სამართლის ნორმების დარღვევაში დაადანაშაულა.

კრიტიკულ მოხსენებაში , Amnesty-მ ჩამოთვალა 19 ქალაქში მომხდარი შემთხვევა, რა დროსაც  უკრაინულმა ძალებმა, როგორც ჩანს, ზიანი მიაყენეს მშვიდობიანი მოსახლეობას, საცხოვრებელ ადგილებში ბაზების შექმნით. -  ზელენსკიმ აღნიშნულ დასკვნებს "მსხვერპლის დადანაშაულება" უწოდა.

„არ არსებობს პირობა, თუნდაც ჰიპოთეტურად, რომ რუსეთის ნებისმიერი დარტყმა უკრაინაზე გამართლებული გახდეს. ჩვენი სახელმწიფოს წინააღმდეგ აგრესია არის არაპროვოცირებული, ინვაზიური და ტერორისტული.თუ ვინმე აკეთებს მოხსენებას, რომელშიც მსხვერპლი და აგრესორი თითქოს რაღაცნაირად თანასწორნი არიან... მაშინ ამის მოთმენა შეუძლებელია. ეს არის ტერორისტულ სახელმწიფოს ამნისტია და პასუხისმგებლობის აგრესორიდან მსხვერპლზე გადაეტანა,“- განაცხადა ზელენსკიმ.

 ცნობისთვის, საერთაშორისო უფლებადამცველმა ორგანიზაციამ Amnesty International განაცხადა, რომ უკრაინელი სამხედროები აარსებენ ბაზებს საცხოვრებელ ადგილებში, მათ შორის სკოლებსა და საავადმყოფოებში, რაც არღვევს საერთაშორისო ჰუმანიტარულ კანონს და ომის კანონებს. ამასთან, ორგანიზაციამ აღნიშნა, რომ ასეთი პრაქტიკა „არანაირად არ ამართლებს რუსეთის განურჩეველ თავდასხმებს“.

Amnesty International-ის მიერ გამოქვეყნებულ მოხსენებაში ნათქვამია, რომ საცხოვრებელ ადგილებში ბაზების განლაგების ტაქტიკა არღვევს საერთაშორისო ჰუმანიტარულ კანონს და საფრთხეს უქმნის სამოქალაქო პირებს, სამოქალაქო ობიექტების ლეგიტიმურ სამხედრო ობიექტებად გადაქცევით. დასახლებებზე რუსეთის დარტყმებს არაერთხელ მოჰყოლია მშვიდობიანი მოსახლეობის დაღუპვა და დაშავება, იხსენებს ორგანიზაცია.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა