წითელი ჯვრის საერთაშორისო კომიტეტი ტყვეობაში მყოფ აზოვსტალის მებრძოლებთან დაკავშირებით განცხადებას ავრცელებს. განცხადებაში ნათქვამია, რომ  ICRC რუსეთის მიერ ტყვედ აყვანილი აზოვსტალის დამცველების უსაფრთხოებაზე გარანტიას არ იძლევა.

განცხადებაში აღნიშნულია, რომ ორგანიზაციას ყველა სამხედრო ტყვესთან, მათ შორის აზოვსტალის დამცველებთან წვდომა არ აქვს.

 „ჩვენ არ ვიძლევით გარანტიას სამხედრო ტყვეების უსაფრთხოებაზე მტრის ხელში, რადგან ამის გაკეთება ჩვენს ძალაში არ არის. ჩვენ ეს მხარეებს წინასწარ ვუთხარით.კონფლიქტის მონაწილე მხარეების ვალდებულებაა უზრუნველყონ სამხედრო ტყვეების დაცვა ძალადობის, დაშინებისა და საზოგადოების ცნობისმოყვარეობისგან, ასევე საომარი მოქმედებებისგან.
მხოლოდ კონფლიქტის მონაწილე მხარეებს შეუძლიათ საბოლოოდ უზრუნველყონ ტყვეთა უსაფრთხოება,“- ვკითხულობთ განცხადებაში.

ოლენოვკას შესახებ კომიტეტმა თქვა: ”ICRC ეწვია ამ ადგილს ერთხელ, მიმდინარე წლის მაისში, რათა მიეწოდებინა წყლის ავზები დაწესებულებისთვის.მაგრამ ჩვენ არ გვქონდა წვდომა იქ ინდივიდუალურად დაკავებულ ტყვეებზე - ICRC-ის დაკავების დაწესებულებებში მუშაობის მოდალობის მიხედვით - და ასე გრძელდება."

წითელი ჯვრის საერთაშორისო კომიტეტმა ასევე განმარტა, რომ ორგანიზაცია მოქმედებდა როგორც "ნეიტრალური შუამავალი" აზოვსტალიდან სამხედროების უსაფრთხო გასვლისთვის.

 შეგახსენებთ, რომ 29 ივლისს რუსულმა მედიამ გაავრცელა ინფორმაცია დონეცკის ოლქში, ოლენოვკაში მდებარე ციხის ბანაკის დაბომბვის შესახებ , სადაც უკრაინელი პატიმრები იმყოფებოდნენ. პროპაგანდისტები აცხადებდნენ, რომ სულ მცირე 53 ადამიანი დაიღუპა.

უკრაინის გენერალურმა შტაბმა უარყო რუსეთის ფედერაციის ბრალდებები , რომ დარტყმა უკრაინის შეიარაღებულმა ძალებმა განახორციელეს. გენერალური შტაბის ინფორმაციით, რუსები ცდილობდნენ დაემალათ პატიმრების წამება და მკვლელობა.

დაზვერვის სამსახურს მიაჩნია, რომ დონეცკის ოლქში უკრაინელი ტყვეების მკვლელობა ვაგნერის ჯგუფის დაქირავებულებმა ევგენ პრიჰოჟინის პირადი მითითებით მოაწყვეს.

უკრაინის უშიშროების სამსახურმა წარმოადგინა სატელეფონო საუბრები, რომლებშიც დამპყრობლები ადასტურებენ, რომ ოკუპირებულ ოლენოვკაში ციხის ბანაკში მომხდარ აფეთქებაზე პასუხისმგებელი რუსი ჯარისკაცები იყვნენ , რასაც სულ მცირე 53 უკრაინელი პატიმარი შეეწირა.აზოვის ქვედანაყოფებმა ოლენოვკაში პატიმრების მკვლელობაში მონაწილე პირებზე "ნადირობა" გამოაცხადეს .

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა