დონბასისთვის ბრძოლაში შემდეგი გადამწყვეტი წერტილი სლავიანსკი იქნება,- ამის შესახებ ინფორმაციას ბრიტანეთის დაზვერვა ავრცელებს.

დაზვერვის ცნობით, რუსეთმა უკრაინის აღმოსავლეთით და დასავლეთით განთავსებული ძალების დიდი ნაწილი იზიუმის მიმართულებით გადაისროლა და სლავიანსკზე შეტევას აგრძელებს.

მათივე ცნობით, ეს ძალები ახლა სავარაუდოდ ქალაქ სლავიანსკიდან 16 კილომეტრის მოშორებით იმყოფებიან.

„იმის გათვალისწინებით, რომ ქალაქს ასევე ემუქრება ცენტრალური და სამხრეთ ძალების დარტყმის საფრთხე, არსებობს რეალური შესაძლებლობა, რომ სლავიანსკისთვის ბრძოლა დონბასისთვის ბრძოლაში შემდეგი საკვანძო მომენტი იყოს “,- აღნიშნულია განცხადებაში.

შეგახსენებთ, რომ მძიმე ბრძოლების შემდეგ უკრაინელმა ჯარებმა ლუგანსკის ოლქში, ლისიჩანსკში პოზიციები დატოვეს. გენერალურმა შტაბის თქმით, მათ მატერიალურ-ტექნიკური რესურსები სჭირდებათ.

ლუგანსკის ოლქის სამხედრო ადმინისტრაციის ხელმძღვანელის, სერგეი გაიდაის თქმით, ბრძოლა ლუგანსკის, ბელოგორივკასა და ნოვოკონსტანტინოვკას მიდამოებში გრძელდება.

ამასთან, დაზვერვის ცნობით, რუსული ჯარები, ლუგანსკის ოლქის ქალაქ ლისიჩანსკის აღების შემდეგ, სავარაუდოდ, ძალებს დონეცკის ოლქის კონტროლის ქვეშ აყენებენ.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა