ავსტრიის პრეზიდენტმა ალექსანდრე ვან დერ ბელენმა განაცხადა, რომ ევროპა ყველაფერს გააკეთებს იმისათვის, რომ რაც შეიძლება მალე დაასრულოს რუსეთის ფედერაციის მიერ უკრაინის წინააღმდეგ გაჩაღებული ომი.

როგორც ვან დერ ბელენმა „სამი ზღვის ოინიციატივის“ სამიტზე განაცხადა, ევროპა ერთიანია „რთულ დროს, როდესაც ომის საშინელება დაბრუნდა“.

„ჩვენ არ მივცემთ უფლებას დაყოფას და ყველაფერს გავაკეთებთ, რომ რაც შეიძლება მალე დავასრულოთ რუსეთის დამპყრობლური ომი და აღვადგინოთ მშვიდობა“, - განაცხადა ვან დერ ბელენმა.

ვან დერ ბელენი დღეს რიგაში ჩავა, სადაც ცენტრალურ და აღმოსავლეთ ევროპელ კოლეგებს შეხვდება და უკრაინის მიმართ სოლიდარობას გამოავლენს.

„სამი ზღვის ინიციატივა“ მოიცავს ევროკავშირის 12 ქვეყანას ბალტიის ქვეყნებიდან ადრიატიკისა და შავი ზღვების ჩათვლით. ავსტრიული მედიის ცნობით, ეს ქვეყნები შიშობენ, რომ შესაძლოა რუსეთის დიქტატორის ვლადიმერ პუტინის აგრესიის შემდეგი სამიზნე გახდეს. პოლონეთი დაჟინებით მოითხოვს უკრაინის ჩართვას სამი ზღვის ინიციატივაში.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა