გარემოს დაცვისა და სოფლის მეურნეობის მინისტრი ოთარ შამუგია, კახეთის მხარის სახელმწიფო რწმუნებულთან ირაკლი შიოშვილთან ერთად, ადგილობრივ ფერმერებს  შეხვდა. ფერმერებმა, მიმდინარე წელს, შეღავათიანი აგროკრედიტით, ერთწლოვანი კულტურების მოყვანის მიზნობრიობით ისარგებლეს. 

„ხორბლის თვითუზრუნველყოფის მაჩვენებლის გაზრდა ჩვენთვის პრიორიტეტულია. საუბარი გვქონდა ფერმერებთან, თუ რა საჭიროებები აქვთ და რა შეიძლება გავაკეთოთ, რომ შემოდგომაზე კონკრეტული მხარდაჭერის პროექტი გვქონდეს, რომელიც ქვეყანაში ხორბლის წარმოების ზრდას და ჩვენი თვითუზრუნველყოფის მაჩვენებლის გაუმჯობესებას შეუწყობს ხელს”, - განაცხადა გარემოს დაცვისა და სოფლის მეურნეობის მინისტრმა, ოთარ შამუგიამ.

ფერმერებთან შეხვედრაზე აღინიშნა, რომ შეღავათიანი აგროკრედიტის პროექტში ერთწლოვანი კულტურების მოყვანის  მიმართულებით სესხების გაცემის მიზანია, ფერმერებს შეუმცირდეთ ერთწლოვანი კულტურების მოყვანისას საბრუნავი საშუალებების ხარჯი და შესაძლებლობა მიეცეთ, მოიყვანონ მეტი ხარისხიანი აგროპროდუქტი.  

მიმდინარე წლის 22 მარტიდან დღემდე, ერთწლოვანი კულტურების მოყვანის ხელშეწყობისთვის, 70,9  მლნ ლარის 4,305 შეღავათიანი სესხია გაცემული.

სოფლის განვითარების  სააგენტო  „შეღავათიანი აგროკრედიტის“ პროექტის ქვეკომპონენტის ფარგლებში გაცემული სესხის 12 თვის პროცენტის თანადაფინანსებას ახორციელებს. სესხის წლიური საპროცენტო განაკვეთის მაქსიმალური ოდენობა 18%-ით არის დადგენილი, საიდანაც ნახევარს, წლიურ  9%-ს, სახელმწიფო აფინანსებს.   პროექტის ფარგლებში, ერთ ბენეფიციარზე გაცემული სესხის თანხა განსაზღვრულია 5,000 ლარიდან 100, 000 ლარის ჩათვლით.

ფერმერებთან გამართულ შეხვედრაზე „კავკასიის რეგიონული გარემოსდაცვითი ცენტრის (REC Caucasus)  ხელმძღვანელმა, სოფო ახობაძემ აღნიშნა, რომ ცენტრი, სამინისტროს მხარდაჭერით, სამ პროექტს ახორციელებს. აღნიშნული პროექტები გულისხმობს ხორბლის ადგილობრივი ჯიშების გავრცელების ხელშეწყობას, ხორბლის თესვის ახალი ტექნოლოგიის დანერგვას და თესლმონაცვლეობის მიდგომის გამოყენებას, რაც ნიადაგის გამოფიტვას ამცირებს.

ავტორი: NS (სტატია დაფინანსებულია),

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი