აჭარაში ზაფხულის ტურისტული სეზონის სამზადისთან დაკავშირებით ტურისტული სექტორის წარმომადგენლებთან შეხვედრა გაიმართა. ღონისძიებაზე, რომელსაც აჭარის მთავრობის თავმჯდომარე თორნიკე რიჟვაძე დაესწრო, რეგიონში ტურიზმის კუთხით მიმდინარე პროექტებზე, განახლებულ ტურისტულ პროდუქტებსა და ტურისტული სეზონის მოლოდინებზე ისაუბრეს. ამის შესახებ ინფორმაციას აჭარის მთავრობა ავრცელებს

 უწყების ცნობით,თორნიკე რიჟვაძემ  რეგიონში ტურიზმის განვითარებაზე, მის მზარდ დინამიკაზე, მიმდინარე და დაგეგმილ პროექტებზე გაამახვილა ყურადღება.

,,ტურიზმის სექტორის და ტურისტული ნაკადების აღდგენა არის ყველასთვის უმთავრესი პრიორიტეტი. სწორედ ამ მიზნით დღეს შევხვდით ტურიზმის სექტორის წარმომადგენლებს და ვისაუბრეთ დაგეგმილ პროექტებზე, რომელიც მოგვცემს საშუალებას რეგიონში ტურიზმის აღდგენა მოხდეს მაქსიმალურად სწრაფად. ჩვენი ამბიციაა, რომ 2019 წლის მონაცემებს მაქსიმალურად გაუთანაბრდეს პოსტკოვიდური ტურისტული სეზონი აჭარის რეგიონში" - განაცხადა მთავრობის თავმჯდომარემ.

შეხვედრაზე ბათუმის ბულვარის და ტურიზმის დეპარტამენტის მიმდინარე და დაგეგმილი პროექტების პრეზენტაცია გამართა. ღონისძიება ტურიზმის სექტორის წარმომადგენლებთან კითხვა-პასუხის რეჟიმში გაგრძელდა. ტურისტული სეზონის მოსამზადებელ შეხვედრას აჭარის ფინანსთა და ეკონომიკის მინისტრი, მუნიციპალიტეტის მერები, შინაგან საქმეთა სამინისტროს აჭარის პოლიციის დეპარტამენტის და აჭარის მთავარი სამმართველოს საპატრულო პოლიციის დეპარტამენტის ხელმძღვანელი პირები ესწრებოდნენ.

2022 წლის, პირველი კვარტლის მონაცემებით, რეგიონში საერთაშორისო მოგზაურების ვიზიტები 2019 წელთან შედარებით 49%-ით აღდგა. 30%-თაა გაზრდილი მოგზაურების ვიზიტების რაოდენობა ბათუმის საერთაშორისო აეროპორტშიც. მაისის თვეში კი ბათუმში 9 ქვეყნიდან 250 ზე მეტი ფრენაა დაგეგმილი, რომელთა შორის ერთი ახალი ევროპული მიმართულება რიგა-ბათუმის ფრენა იქნება.

ავტორი: NS (სტატია დაფინანსებულია),

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი