ცოფი ადამიანისთვის განსაკუთრებით საშიშ დაავადებაა. სოფლის მეურნეობის სახელმწიფო ლაბორატორიის ცოფის განყოფილებაში, პათოლოგიური მასალის კვლევა ცოფის ვირუსის გამოვლენის მიზნით, ორი მეთოდით - მიკროსკოპია და ბიოცდა ტარდება. ლაბორატორიაში აქტიურად მიმდინარეობს სწრაფი და თანამედროვე ტექნოლოგიებზე დაფუძნებული PCR ტესტის დანერგვა. 

გარემოს დაცვისა და სოფლის მეურნეობის სამინისტროს ინფორმაციით, სურსათის ეროვნული სააგენტო ყოველწლიურად ახდენს ცოფის ვირუსის საწინააღმდეგო ვაქცინაციას ცხოველებში, ხოლო სოფლის მეურნეობის სახელმწიფო ლაბორატორიაში, ანტისხეულების ტიტრის დადგენის მიზნით, ტარდება ვაქცინაციის შემდგომი, იმუნური სტატუსის მონიტორინგი ELISA მეთოდით. 

ცოფით დაინფიცირებული ცხოველი ვირუსს გამოყოფს ნერწყვით და გადასცემს კბენით. 

დაინფიცირებული ცხოველის კლინიკური ნიშნებია: ნერწყვდენა, კიდურების დამბლა, აგრესია, უცხო სხეულების ყლაპვა, შეცვლილი ხმა. დაავადება ადამიანს გადაეცემა: კბენის, დაკაწვრის ან დადორბვლის შემთხვევაში ნერწყვთან ერთად. ინკუბაციური პერიოდი რამდენიმე დღიდან ერთ წელზე მეტხანს გრძელდება, თუმცა უფრო ხშირია 3-6 კვირის განმავლობაში გამოვლინება.

სოფლის მეურნეობის სახელმწიფო ლაბორატორია, ცოფთან ბრძოლის მსოფლიო დღეს, მოსახლეობას მოუწოდებს, მათი ოთხფეხა მეგობრების ვაქცინაციის შემდგომ გამოიკვლიონ იმუნური სტატუსი და გაიგონ, თუ რამდენად დაცულია ცხოველი ცოფის ვირუსისგან. 

სწორი ქცევით, შესაძლებელია დავიცვათ როგორც ადამიანები, ისე ცხოველები ისეთი საშიში დაავადებისგან, როგორიც ცოფია. 

დამატებითი ინფორმაცია ლაბორატორიაში არსებული სერვისების შესახებ იხილეთ ვებგვერდზე - http://sla.gov.ge/Ge

ავტორი: NS (სტატია დაფინანსებულია),

სოციალური ქსელები

კოალიცია ცვლილებისთვის და სტრატეგია აღმაშენებელი იწყებენ კამპანიას - ემიგრანტის ხმა

კალაძე ადასტურებს, რომ რეჟიმი ტრადიციების დასაცავად საკანონმდებლო რეგულაციების გამკაცრებას გეგმავს

ეროვნული ბანკი აფრთხილებს, რომ ქვეყანაში ფინანსური პირამიდები გამოჩდნენ და ხალხის ფულს იზიდავენ

კუპრაძე ელისაშვილის წინააღმდეგ წაყენებულ ახალ ბრალდებებზე: ეს არ არის სამართლებრივი, არამედ პოლიტიკური სასამართლო პროცესია