2021-02-03 13:40:23, 592 ნახვა
სამართალი
პროკურატურაში ე.წ. კარტოგრაფების საქმეზე დავით დარჩიაშვილის გამოკითხვა მიმდინარეობს
გენერალურ პროკურატურაში „ევროპული საქართველოს“ ყოფილი წევრის, დავით დარჩიაშვილის გამოკითხვა მიმდინარეობს.
როგორც „ექსპრესნიუსს“ გენერალურ პროკურატურაში განუცხადეს დარჩიაშვილი საგამოძიებო უწყების კითხვებს დავით გარეჯის საქმეზე მიმდინარე გამოძიების ფარგლებში პასუხობს.
შეგახსენებთ, რომ საქართველო-აზერბაიჯანის დემარკაციის კომისიის ექსპერტთა საბჭოს უფროსი, ივერი მელაშვილი და წევრი, ნატალია ილიჩოვა 7 ოქტომბერს დააკავეს. ისინი სასამართლომ პროკურატურის შუამდგომლობით რამდენიმე დღის წინ გაათავისუფლა. პროკურატურის ინფორმაციით, მათ ბრალად უცხო ქვეყნისათვის საქართველოს ტერიტორიის ნაწილის გადაცემისაკენ მიმართული მოქმედება ედებათ. საქმეზე გამოძიება სსკ-ის 308-ე მუხლის პირველი ნაწილით მიმდინარეობს.
ავტორი: ექსპრესნიუსი,
epn.ge (@expressnews.ge)
