ეპისკოპოსმა ჯუზეპე პაზოტომ სპეციალური ვიდეომიმართვა ჩაწერა, სადაც ახალგაზრდებს შობის დღესასწაული მიულოცა.

როგორც ვიდეომიმართვაში პაზოტო აღნიშნავს, პანდემიამ და დაწესებულმა შეზღუდვებმა მოგვცა საშუალება, გავიგოთ უფრო ღრმად, თუ რას ნიშნავს შობა.

"ძვირფასო ახალგაზრდებო! მე დარწმუნებული ვარ, რომ თქვენს გულში უკვე არის ბევრი სიხარული, თუმცა ზოგი ამბობთ, რატომ არ არის ღამე წირვა, რატომ არ ვართ ამჟამად ბევრნი ეკლესიაში, როგორც ადრე, რატომ ვართ ახლა 8 საათზე სახლში, მაგრამ ეს პანდემიაა და ამ გადაწყვეტილებებმა მოგვცა საშუალება, რომ ჩვენ გავიგოთ უფრო ღრმად, თუ რას ნიშნავს შობა. ეს არის ის საჩუქარი, რომელმაც ღმერთმა გვაჩუქა ამ წელიწადში.​ რაკი არ გვაქვს სხვა საშუალებები, ჩვენ შეგვიძლია გავიგოთ, რას ნიშნავს იესო დაიბადა და ეს არის ყველაზე დიდი გაცხადება ადამიანისთვის. მე ვამბობ არა მარტო ქრისტიანებისთვის, არამედ მთელი კაცობრიობისთვის, ვინაიდან იესო გახდა ადამიანი. ამიტომ ჩართული არის ყოველი ადამიანი ამ გამოცხადებაში და გისურვებთ, რომ თქვენ თქვენი ადამიანების მსახურება, თქვენი ადამიანების მიმართ პატივისცემა იყოს და თქვენ გაიგოთ, რომ ეს არის ღმერთის პატივისცემა და ღმერთის მსახურება. გისურვებთ სიხარულს და გისურვებთ, რომ ეს სიხარული მოვიდეს, ამოვიდეს ამ საიდუმლოსგან.  კარგ შობას გისურვებთ", - განაცხადა ჯუზეპე პაზოტომ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს

BOG-ის მობილბანკის მორიგი განახლება - ახალი შესაძლებლობები მომხმარებლებისთვის

რუსთაველზე ამობრუნებულ თვითმცლელში ბავშვი იმყოფებოდა - მიმდინარეობს მოკვლევა

სტრასბურგის სასამართლომ მზია ამაღლობელის საქმეზე მე-4 საჩივარი დაარეგისტრირა - საია