არასრულწლოვანთან სქესობრივი კავშირის დამყარებისთვის სანქციების გამკაცრება იგეგმება.

ამის შესახებ იუსტიციის მინისტრმა თეა წულუკიანმა ჟურნალისტებს განუცხადა.

„ჩვენ არასრულწლოვნისთვის გვჭირდება და გვაქვს ორმაგი დაცულობა. არაერთი გოგონა, სანამ მიაღწევს 16, 17, 18 წლის ასაკს, ხდება მეუღლე, რაც კანონით არის აკრძალული. ჩვენ გვინდა ეს ნორმა იყოს უფრო მკაცრი და ამაზე ვსჯელობთ. ეს არის სისხლის სამართლის წესით გოგოების დაცულობის გარანტია, იმისათვის, რომ მას ქონდეს განვითარების უფლება და როდესაც სრულწლოვანი გახდება, რა თქმა უნდა ოჯახი უნდა შექმნას, მაგრამ ეს თავად გადაწყვიტოს“, - აღნიშნა წულუკიანმა.

 მინისტრის თქმით, არასრულწლოვანზე ძალადობის გამოაშკარავების და შემდეგ გამოძიების მექანიზმები უნდა დაიხვეწოს.

„რაც შეეხება გოგონების დაცულობისთვის სხვა მექანიზმებს, ჩვენ შარშანწინ ქალთა უფლებების შესახებ, ოჯახში ძალადობის წინააღმდეგ ევროპულ კონვნციას მოვაწერეთ ხელი და უკვე წელს პარლამენტის მიერ რატიფიკაცია მოხდება. სწორედ ამ რატიფიკაციის პროცესში ჩვენ შემოვიტანთ ისეთ ცვლილებებს, რომლებიც სახელმწიფოს მხრიდან ადვილს გახდის გამოაშკარაოს ის ადამიანები, ვინც ან აიძულებს არასრულწლოვან გოგონას, რომ ქორწინებაში შევიდეს უკანონოდ მასზე ბევრად ასაკოვან ან თუნდაც 18,19 წლის მამაკაცთან, მაგრამ, ეს არის აკრძალული რადგან გოგონა არ არის სრულწოვანი. გამოაშკარავების და შემდეგ გამოძიების მექანიზმები უნდა დაიხვეწოს. დღეს, ღიად გეტყვით როგორ ხდება ხოლმე გამოვლენა, რომ სრულწლოვანი მამაკაცი არასრულწლოვან გოგონაზე ოფიციალურად ვერ დაქორწინდა, რადგან კანონი ამას კრძალავს. არც ერთი იუსტიციის სახლი ასეთ ქორწინებას არ აფორმებს. მაგრამ, დე ფაქტომ, ასეთი ქორწინება შედგება ხოლმე, შემდეგ ჩნდება ბავშვი და ბავშვის დარეგისტრირებისას, როდესაც მოდიან იუსტიციის სახლებში, ვლინდება, რომ მამაკაცმა არასრულწლოვან გოგონასთან იქონია სქესობრივი კავშირი. ამ გამოვლენილ ფაქტებს სამართალდამცავი ორგანოები უფრო მეტი სიმკაცრით უნდა მოეპყრან, რადგან იუსტიციის სახლები ამგვარ ფაქტებს აგზავნიან შესაბამის ორგანოებში და ჩვენ უნდა დავხვეწოთ მექანიზმი, რომ პასუხი იყოს უმკაცრესი. რადგან ყველა არასრულწლოვანს, გოგონა არის თუ ბიჭი, პირველ რიგში აქვს განვითარების უფლება და შემდეგ სრულწლოვნობისას თავისი ბედის თავისუფლად გადაწყვეტის“, - განაცხადა თეა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი