2020-09-14 16:50:24, 1735 ნახვა
სამართალი
გიორგი შაქარაშვილის საქმეზე დაკავებული 11 პირი კვლავ პატიმრობაში რჩება
გარდაცვლილი ფეხბურთელის, გიორგი შაქარაშვილის საქმეზე დაკავებული 11 პირი კვლავ პატიმრობაში რჩება.
სასამართლო პროცესზე ბრალდების მხარე დაკავებულების პატიმრობაში დატოვებას ითხოვდა. აღნიშნულ შუამდგომლობას დაცვის მხარე არ დაეთანხმა.
ცნობისთვის, გიორგი შაქარაშვილის საქმეზე დაკავებულია 17 პირი. მათგან 6 არასრულწლოვანია. საქმეზის არსებითი განხილვა დღეს მცხეთის რაიონულ სასამართლოში კვლავ გაგრძელდა. სხდომაზე აღკვეთის ღონისძიება გადაისინჯა. მცხეთის რაიონული სასამართლოს მოსამართლემ, ნინო ჩახნაშვილმა აღკვეთის ღონისძიების სახით შეფარდებული პატიმრობა ძალაში დატოვა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
