დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, საქართველომ ვაქცინების გლობალურ ალიანსში 700 ათასამდე ასაცრელი მასალა შეუკვეთა.

მისი თქმით, კორონავირუსის ვაქცინის დამტკიცების შემდეგ ის ხელმისაწვდომი იქნება ჩვენი მოსახლეობისთვის.

„დღეს საკოორდინაციო საბჭოზე იყო სერიოზული მსჯელობა. ჩვენმა ქვეყანამ უკვე 31 რიცხვში გავაკეთეთ ოფიციალური განაცხადი ვაქცინების გლობალურ ალიანსში, რომ საქართველო დაინტერესებულია კოვიდის პლატფორმაში მონაწილეობასთან დაკავშირებით. შეკვეთილია მოსახლეობის 20%-ის მოცვით, რაც დაახლოებით გახლავთ 700 ათასი ადამიანის ასაცრელი მასალა, როდესაც ვაქცინა დამტკიცდება შესაბამისი განფასებით. ასევე, გვაქვს კიდევ 2 დედლაინი, რომლის ხელშეკრულებაც 18-ში უკვე გაფორმდება და 8 ოქტომბრამდე გადაირიცხება პირველი შენატანი, რომლითაც საქართველო გარანტირებული იქნება მაშინ, როდესაც ვაქცინა დამტკიცებული იქნება სხვადასხვა მარეგულირებელი ორგანიზაციების მიერ და მათ შორის ჯანმრთელობის მსოფლიო ორგანიზაციის მიერ პრეკვალიფიცირებული, ის იქნება ხელმისაწვდომი ჩვენი მოსახლეობისთვის და რა თქმა უნდა, პირველ რიგში რისკ ჯგუფებისთვის“, - განაცხადა ამირან გამყრელიძემ.  

ავტორი: ექსპრესნიუსი,

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე