BBC-ის ცნობით, ამერიკის რამდენიმე ქალაქში, მათ შორის მინეაპოლისში, ჯორჯ ფლოიდის გარდაცვალებასთან დაკავშირებით მიმდინარე საპროტესტო აქციების გამო, ღამის საათებში კომენდანტის საათი გამოცხადდა.

როგორც ცნობილია, მინესოტას შტატში ღამით ეროვნული გვარდიის ასეულობით ჯარისკაცი მობილიზდა.

ამ ფაქტს გამოეხმაურა აშშ-ის პრეზიდენტი დონალდ ტრამპი და ტვიტერის გვერდზე დაწერა, რომ მსგავსი ღონისძიებები ორი დღით ადრე რომ მიეღოთ ზიანი ნაკლები იქნებოდა. ტრამპი აღნიშნავს, რომ გვარდია დიდ სამსახურს ასრულებს.

ამასთანავე, პრეზიდენტმა დონალდ ტრამპმა მომიტინგეებს „მძარცველები და ანარქისტები" უწოდა და მათ ძალადობაში დასდო ბრალი.

მედიის ცნობით, კორკ ფლოიდის გარდაცვალების გამო საპროტესტო აქციები 30-მდე ქვეყანაში მიმდინარეობს.

ცნობისთვის, ჯორჯ ფლოიდი, 46 წლის აფროამერიკელი, მოკლეს ორშაბათს მინეაპოლისში პოლიციის დაკავების დროს. საქმეში მონაწილე პოლიციელებს ბრალი წაუყენეს ფლოიდის მკვლელობაში და განაჩენი ორშაბათს სასამართლოში უნდა გამოცხადდეს. კადრებში, რომლებიც ინტერნეტში ვრცელდება ჩანს, რომ პოლიციელი, შოვინი რამდენიმე წუთის განმავლობაში ფლოიდს კისერზე მუხლს ადებს. აღსანიშნავია ისიც, რომ ფლოიდი არაერთხელ ამბობს, რომ მას სუნთქვა არ შეუძლია.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა