სასწრაფო დახმარების ავტომობილებს კომპანია „ფიატი“ უსასყიდლოდ მოემსახურება

2020-04-17 14:03:20, 1350 ნახვა

საზოგადოება

საგანგებო სიტუაციების კოორდინაციისა და გადაუდებელი დახმარების ცენტრს კომპანია "ფიატმა" სასწრაფო დახმარების ავტომობილების უსასყიდლო მომსახურების სერვისი შესთავაზა. კორონავირუსის პრევენციული ღონისძიებების ფარგლებში, სასწრაფო დახმარების მანქანებს უფასო ტექნიკური მომსახურება 1 თვის განმავლობაში გაეწევა.

ცენტრის დირექტორმა, ავთანდილ თალაკვაძემ, კომპანია "ფიატის" ხელმძღვანელს, ზურა გვაზავას, მადლობა პირადად გაუხადა და ყურადღება სასწრაფო დახმარების შეუფერხებელ მუშაობაზე გაამახვილა.

"ვფიქრობ, იმ დროს, როდესაც სასწრაფო დახმარების მედპერსონალი კოვიდ-19-თან ბრძოლის წინა ხაზზე იმყოფება, ძალიან მნიშვნელოვანია ჩვენი მედიკოსების მიმართ მსგავსი მხარდაჭერის გამოხატვა. მადლობა მინდა გადავუხადო "ფიატის" ცენტრს იმისთვის, რომ გამოხატა თანადგომა და საკუთარი წვლილი შეიტანა სასწრაფო დახმარების შეუფერხებელ მუშაობაში ", - აღნიშნა ავთანდილ თალაკვაძემ.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),