აჭარის მთავრობის თავმჯდომარის თორნიკე რიჟვაძის ხელმძღვანელობით საკოორდინაციო შტაბის სამუშაო შეხვედრა გაიმართა.

შეხვედრის ფორმატში განიხილეს რეგიონში საგანგებო მდგომარეობის დროს არსებული სიტუაცია და გამოწვევები. შტაბის მუშაობაში ჩართული არიან სხვადასხვა უწყების ხელმძღვანელი პირები, მუნიციპალიტეტების მერები, ჯანდაცვის სექტორის წარმომადგენლები. აჭარის ყველა მუნიციპალიტეტში მოქმედებს ცხელი ხაზი.

„გვაქვს სასიხარულო ინფორმაცია, დღეს აჭარაში გვყავს პირველი გამოჯანმრთელებული პაციანტი, რომელმაც დაამარცხა ვირუსი. შემდეგი დღეები, განსაკუთრებით აპრილის თვე იქნება ურთულესი ინფექციის გავრცელებასთან მიმართებაში, გვაქვს შიდა გადაცემები, რაც არის განგაშის საფუძველი. თუმცა საბედნიეროდ სიტუაცია არის მართვადი და გვაქვს კონტროლზე აყვანილი. გვმართებს ათასჯერ მეტი სიფრთხილე და ყურადღება.

რაც შეეხება კონკრეტული საწარმოების მუშაობას, უკიდურესი აუცილებლობის გარდა, სადაც არ არსებობს კონკრეტული რისკები ინფექციის გავრცელებასთან დაკავშირებით, ჩვენ ვაპირებთ განვიხილოთ ამ საწარმოების მუშაობის გაგრძელება. სტანდარტულად კი საწარმოებს და იმ ტიპის დაწესებულებებს, სადაც არის რისკი, მოუწევთ დროებით შეაჩერონ ეს საქმიანობა.

ჩვენ ვემზადებით მათ შორის ყველაზე ცუდი სცენარისთვის და აქცენტი სწორედ სამედიცინო სექტორზე კეთდება.  ე.წ. შეკავების ეტაპი ეფექტიანად და მინიმალური დანაკარგებით გავიარეთ. როგორც ჰოსპიტალური ჯანდაცვის კუთხით, ასევე მედპერსონალის მზადყოფნის კუთხით, ქვეყანაში და რეგიონში არის აბსოლუტური  მზადყოფნა.

მოსახლეობას კიდევ ერთხელ ვთხოვთ, რომ უკიდურესი აუცილებლობის გარდა დარჩნენ სახლში და რაც შეეხება მოვლენების განვითარებას, ინფექციის და შემთხვევების ზრდას, ჩვენი ჯანდაცვის სექტორი მთლიანად მზად არის, რომ უპასუხოს ამ გამოწვევას", - განაცხადა თორნიკე რიჟვაძემ შტაბის სამუშაო შეხვედრაზე.

ავტორი: NS (სტატია დაფინანსებულია),

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს