ცენტრალურმა საარჩევნო კომისიამ  10:00 საათის მდგომარეობით ამომრჩეველთა აქტივობა გამოაქვეყნა.

„მე ძალიან სწორი არჩევანი გავაკეთე“, - ამის შესახებ „ქართული ოცნების“ აღმასრულებელმა  მდივანმა ირაკლი კობახიძემ  ხმის მიცემის შემდეგ განაცხადა.

ოკუპირებული ტერიტორიებიდან იძულებით გადაადგილებულ პირთა, ლტოლვილთა და განსახლების მინისტრმა სოზარ სუბარმა საკუთარი არჩევანი საბურთალოს მე-5 ოლქის 12-ე საარჩევნო უბანზე გააკეთა.

 „ქართული ოცნება-დემოკრატიული საქართველოს“ გურჯაანის ოლქის მაჟორიტარი დეპუტატობის კანდიდატმა დავით სონღულაშვილმა, სოფელ ძირკოკში №25-ე საარჩევნო უბანზე საკუთარი არჩევანი დააფიქსირა.

„ხმა მივეცი რა თქმა უნდა „ქართულ ოცნებას“, ძალას, რომელმაც ოთხი წელი  ქვეყანა მშვიდობის და სტაბილურობის გზაზე ატარა“, - ამის შესახებ იუსტიციის მინისტრმა თეა წულუკიანმა სოფელი დიღომში #57-ე საარჩევნო უბანზე ხმის მიცემის შემდეგ განაცხადა.

საქართველოს თავდაცვის მინისტრი საპარლამენტო არჩევნებზე დილიდან, ჩხოროწყუს, სოფელ კირცხის # 67.69.08 საარჩევნო უბანზე შვილთან ერთად მივიდა და საკუთარი არჩევანი გააკეთა.

აჭარის ოლქში „ნაციონალური მოძრაობის“ სიის პირველმა ნომერმა, აჭარის მთავრობის ყოფილმა თავმჯდომარემ ლევან ვარშალომიძემ ბათუმის მე-8 უბანზე მისცა ხმა.

„ხმა მივეცი საქართველოს თავისუფლებას და გაჭირვების წინააღმდეგ ბრძოლას“,-ამის შესახებ „სახელმწიფო ხალხისთვის“ ლიდერმა პაატა ბურჭულაძემ ხმის მიცემის შემდეგ ჟურნალისტებს განუცხადა.

"ქართული ოცნება-დემოკრატიული საქართველოს" ზესტაფონის მაჟორიტარობის კანდიდატმა შალვა კიკნაველიძემ საკუთარი არჩევანი ზესტაფონის რაიონში 52-51 ოლქის მე-7 საარჩევნო უბანზე დააფიქსირა.

„ხმა მივეცი ჩვენი ქვეყნის უკეთეს მომავალს“,-ამის შესახებ „ქართული ოცნების“  გენერალურმა მდივანმა კახა კალაძემ ხმის მიცემის შემდეგ ჟურნალისტებს განუცხადა.