წილოსანი: საბანკო რეგულაციების შემოღებით მცირე და საშუალო მეწარმეებს ზიანი მიადგათ

2019-09-05 17:56:07, 1333 ნახვა

ეკონომიკა

საპარალმენტო უმრავლესობის წევრის, ნინო წილოსანის განცხადებით, საბანკო რეგულაციების შემოღებით მცირე და საშუალო მეწარმეებს ზიანი მიადგათ.

მისივე მტკიცებით, ადამიანებმა, ვინც კეთილსინდისიერად დაფარეს სესხი, აღარ მიეცათ საშუალება, რომ დამატებით გამოეტანათ ტექნიკა.

„საბანკო რეგულაციებით ზიანი მიადგათ მცირე და საშუალო მეწარმეებს. ვგულისხმობ იმას, რომ განვადების პორტფელი ამ რეგულაციებით შემცირდა 42%-ით, რაც ნიშნავს, რომ ადამიანებმა, ვინც კეთილსინდისიერად დაფარეს სესხი, აღარ მიეცათ საშუალება, რომ დამატებით გამოეტანათ ტექნიკა, ავეჯი და ა.შ. მაგრამ ამის გარდა, ზიანი მიადგათ მცირე და საშუალო ბიზნესის წარმომადგენლებს, ადამიანებს, რომლებიც თავინთი შრომით აწყობენ ბიზნესს და ჩვენი მხრიდან რეგულაციების შემოღებით მოულოდნელი მათ ეფექტი დაეცათ და თავიანთ ბიზნესს მიადგა ზიანი“, - აღნიშნა ნინო წილოსანმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან