ათასწლეულის გამოწვევის ფონდის ათასწლეულის ინოვაციის კონკურის ნახევარფინალის შედეგები ცნობილია. ექსპერტთა კომისიამ მეორე ეტაპზე გასული ოცდაათი გუნდიდან, კონკურსის ფინალისთვის ცამეტი გუნდი ინტერვიუებისა და პროექტების პრეზენტაციების საფუძველზე შეარჩია.

კონკურსის მესამე, ფინალურ ეტაპზე გადავიდნენ გუნდები თბილისის, სენაკის, ქუთაისისა და თელავის სკოლებიდან. ფინალისტებს ათასწლეულის გამოწვევის ფონდი ფინანსურ მხარდაჭერას გაუწევს, რაც შესაძლებლობას მისცემს გუნდებს, პროექტები განავითარონ და კონკურსის ფინალში დასრულებული სახით წარადგინონ.

ათასწლეულის ინოვაციის კონკურსის ფინალი გაზაფხულზე ჩატარდება. ათასწლეულის ინოვაციის კონკურსში პირველ ადგილზე გასული გუნდი თიბისის ფინანსური მხარდაჭერით აშშ-ში გაემგზავრება და NASA-ს კოსმოსური ცენტრის უნივერსიტეტის სასწავლო პროგრამაში მიიღებს მონაწილეობას. მეორე და მესამე ადგილზე გასული გუნდები კი პრიზებით დაჯილდოვდებიან. წელს კონკურსის პარტნიორია თიბისი.

ათასწლეულის ინოვაციის კონკურსს ათასწლეულის გამოწვევის ფონდი 2014 წლიდან ახორციელებს საქართველოში აშშ-ის საელჩოს ფინანსური მხარდაჭერითა და განათლების, მეცნიერების, კულტურისა და სპორტის სამინისტროსთან და ნასას კოსმოსურ ცენტრთან თანამშრომლობით.

ათასწლეულის ინოვაციების კონკურსის მიზანია ახალგაზრდებში ინტერესის გამოწვევა და მოტივაციის ამაღლება საბუნებისმეტყველო მეცნიერებების, ტექნოლოგიების, ინჟინერიისა (STEM) და ინოვაციების მიმართულებით.

ათასწლეულის ინოვაციის კონკურსის ფინალურ ეტაპზე გასული პროექტების სია:

1.      აგრიკულტურული მოზაიკური ადიტიური შუქფილტრი აპკი შერჩევითი ფოტოსინთეზისთვის; სკოლა აია-ჯესს, თბილისი

2.      ბარნის სმარტ ლაბირინთი; გივი ზალდასტანიშვილის ამერიკული აკადემია, სკოლა აია-ჯესს, სკოლა   პროგრესი, თბილისი, ქუთაისი

3.      ესკულაპე; სკოლა აია-ჯესს, წმ. ალექსი შუშანიას სახელობის მართლმადიდებლური გიმნაზია, თბილისი, სენაკი

4.      Infrared Camera Drone; 199-ე საჯარო სკოლა, თბილისი

5.      მოძრაობის სკანერი; 199-ე საჯარო სკოლა, თბილისი

6.      სიმსივნის ლოკალური ლიკვიდაცია ნანორობოტის საშუალებით; 199-ე საჯარო სკოლა, სკოლა აია-ჯესს, თბილისი

7.      Cyber Guide; 42-ე საჯარო სკოლა, თბილისი

8.      ტრიბოელექტრული ფარდა; 199-ე საჯარო სკოლა, კლასიკური გიმნაზია, IT კოლეჯი, თბილისი

9.      უნივერსალური ავზი; 199-ე საჯარო სკოლა, თბილისი

10.  უსინათლოსთან გარემოს მაადაპტირებელი სისტემა; 22-ე და 25-ე საჯარო სკოლა, ქუთაისი

11.  უცემენტო ბეტონი; ევროპული სკოლა, თელავი

12.  Carქესი; ევროპული სკოლა, თბილისი

13.  Hand-Held Schlierenoscope - მობილური დეტექტორი და რეტრო რეფლექტორული მოზაიკური ეკრანი; აია-ჯესს, თბილისი

ავტორი: ,

სოციალური ქსელები

საქართველოს პროკურატურამ ჯაშუშობის საქმეზე დაკავებულ ორ პირს ბრალი წაუყენა

ლელომ წარმოადგინა საქართველოს შინაგან საქმეთა სამინისტროს რეფორმირების გეგმა

ადვოკატი - საერთოდ არანაირი შემხებლობა რაიმე ჯაშუშურ საქმიანობასთან ირაკლი ჩიხლაძეს არ აქვს

გულბაათ რცხილაძე დაკავებას რუსოფობიის მონიტორინგის საბჭოს შექმნას უკავშირებს