|
2018-11-19 18:37:06, 2253 ნახვა
ეკონომიკა
ქობულია: უნდა შეიქმნას გაყიდვის სამსახურები, რომლებიც კლასტერში გაერთიანებული კომპანიების პროდუქტს გაიტანენ საექსპორტო ბაზრებზე
„ჩვენ რომ ავეჯის წარმოების ინდუსტრია განვავითაროთ, უნდა გავაძლიეროთ ექსპორტი. ამისთვის გვჭირდება შევქმნათ სპეციფიკური ინსტრუმენტები, რომ მწარმოებლები საქართველოდან დავაკავშიროთ ისეთ საექსპორტო ბაზრებთან, როგორიც არის ჩინეთი, ევროპა და ყოფილი საბჭოთა კავშირის ქვეყნები" - ამის შესახებ გიორგი ქობულიამ ავეჯის მწარმოებლებთან შეხვედრაზე განაცხადა, რომელიც „ხელოსნების ქალაქში" საქართველოს სავაჭრო-სამრეწველო პალატის ორგანიზებით გაიმართა. ეკონომიკის მინისტრმა ავეჯის მწარმოებელთა კლასტერში, სადაც 200-მდე კომპანიაა გაერთიანებული, რამდენიმე საწარმოც დაათვალიერა. „საექსპორტო ბაზრებზე წვდომა არის მნიშვნელოვანი საკითხი. იმისთვის, რომ ეს გავაკეთოთ, ძალიან კარგია კლასტერული მიდგომა. ჩვენ უნდა შევქმნათ რაღაც ცენტრალიზებული გაყიდვის სამსახურები, რომლებიც კლასტერში გაერთიანებულ კომპანიებს შეკრებენ და მათ საქონელს გაიტანენ საექსპორტო ბაზრებზე " - განაცხადა მინისტრმა. სავაჭრო-სამრეწველო პალატის ხელმძღვანელის, ნინო ჩიქოვანის თქმით, ძალიან მნიშვნელოვანია სექტორში არსებული გამოწვევებისა და პრობლემების განხილვა საჯარო-კერძო დიალოგის პლატფორმის ფარგლებში, რომელიც პალატის ძირითადი ფუნქციაა. „ჩვენ ვართ მედიატორი სახელმწიფოსა და კერძო სექტორს შორის და მოხარული ვარ, რომ ამ პლატფორმის ფარგლებში იმართება ავეჯის მწარმოებელთა შეხვედრა მინისტრთან, სადაც ყველას ეძლევა საშუალება, ღია კითხვა-პასუხის რეჟიმში დააფიქსიროს თავისი მოსაზრება და კითხვები დაუსვან მინისტრს" - აღნიშნა ნინო ჩიქოვანმა.
(NS)
ვინ დააშინა პოლიციის ნაცემი პაპუნა ლოცულაშვილის ოჯახი - რატომ ითხოვს ძმა საზოგადოებრივი ინტერესის მინელებას
აშშ-მ შიო III-სთან შეხვედრაზე ყურადღება გაამახვილა ეკლესიის ისტორიულ მისიაზე, ყოფილიყო ქართველთა შორის შემრიგებლის ხმა
კობახიძემ განკარგულებით სულხან თამაზაშვილს პოლიციის გენერალ-მაიორის წოდება მიანიჭა
რა არის სუპერ ელ-ნინიო (Super El Niño) და დაატყდა თუ არა საქართველოს და მსოფლიოს უჩვეულო კლიმატი
|
რედაქტორის რჩევით
ვინ დააშინა პოლიციის ნაცემი პაპუნა ლოცულაშვილის ოჯახი - რატომ ითხოვს ძმა საზოგადოებრივი ინტერესის მინელებას
რა არის სუპერ ელ-ნინიო (Super El Niño) და დაატყდა თუ არა საქართველოს და მსოფლიოს უჩვეულო კლიმატი
ომი უკრაინაში
უკრაინაში დააკავეს მართლმადიდებელი მღვდელი, რომელიც რუს ოკუპანტებს რაკეტების დარტყმის სამიზნეებს აძლევდა
დიდი ხნის შემდეგ პირველად, რუსული არმია ზაპორიჟიესა და დნიპროპეტროვსკის მიმართულებებიდსნ უკან იხევს
ვიდეო/LIVE პატრიარქის ილია მეორის დაკრძალვა - პირდაპირი
თბილისში ტრამპ თაუერის აშენება ივანიშვილის შვილის ნაწილობრივ საკუთრებაში არსებულ მიწაზე იგეგმება
დღის თემა
|





epn.ge (@expressnews.ge)